Tindsøya

Tindsøya
Geografi
Stad	Vesterålen
Koordinatar	68°50′18″N 14°46′20″E
Høgaste punkt	Tindstinden (468 moh.)
Administrasjon
Land	Noreg
Fylke	Nordland

Tindsøya er ei øy i Øksnes kommune i Nordland. Det høgaste punktet på Tindsøya er Tindstinden på 468 moh.

Tindsøya er ei av fleire øyar i Øksnes Vestbygd. Andre øyar i dette området er Skogsøya, Dyrøya og Nærøya. Tidlegare var det mykje aktivitet på desse øyane, men i dag er det få fastbuande att.

Dei viktigaste stadane på Tindsøya er Skipnes og Tinden. Skipnes er eit gammalt fiskevær som i dag er bygd om til ferie- og fritidsstad. Tinden er eit gammalt fiskevær og handelsstad som nok er mest kjend for væreigar Skjalg Halmøy, som tok imot turistar og fiskarar i mange år. Skjalg Halmøy er borte, men butikken i Tinden vert framleis halde open i turistsesongen.

Denne geografiartikkelen som har med Nordland å gjere, er ei spire. Du kan hjelpe Nynorsk Wikipedia gjennom å utvide han.