Tirunesh Dibaba

Tirunesh Dibaba
Tirunesh Dibaba under Bislett Games, 2008 Foto: Ragnar Singsaas
Statsborgarskap	Etiopia
Fødd	1. juni 1985 (38 år) Bekoji
Yrke	langdistanseløpar, friidrettsutøvar
Høgd	166 centimeter
Ektefelle	Sileshi Sihine
Nettstad	http://www.tiruneshdibaba.net/
Tirunesh Dibaba på Commons

Tirunesh Dibaba Kenene (fødd 1. juni 1985) er ein etiopisk langdistanseløpar. Ho spesialiserer seg på 5000 meter og 10000 meter og er regjerande olympisk meister på den sistnemnde distansen. I tillegg held ho verdsrekorden på 15 kilometer og på 5000 meter (frå Bislett Games, 2008). Ho fekk Bislett-medaljen for denne prestasjonen. I tillegg har ho VM-gull frå 2003, 2005 og 2007.

Tirunesh Dibaba fekk sin fyrste OL-medalje under sommar-OL 2004 i Athen då ho sprang inn til bronse på 5000 meter, bak gullvinnaren Meseret Defar frå Etiopia og Isabella Ochichi frå Kenya. Under sommar-OL 2008 i Beijing vann ho olympisk gull på både 5000 meter og 10 000 meter, og ho forsvarte gullet på 10 000 meter under sommar-OL 2012 i London. På 5000-meteren sprang ho inn til bronsemedalje, igjen med Meseret Defar på fyrsteplass og kenyanske Vivian Cheruiyot på andre.

Kjelder

• «Tirunesh Dibaba» (på engelsk). Sports-Reference. Arkivert frå originalen 3. desember 2016. Henta 29. januar 2017. 
• (en) Tirunesh Dibaba – Profil på nettsida til IAAF

• Denne artikkelen bygger på «Tirunesh Dibaba» frå Wikipedia på engelsk, den 3. september 2012.