Taubane
Frå Wikipedia – det frie oppslagsverket
(Omdirigert frå Togbane)
Taubane (tidlegare òg skrive togbane) er eit transportmiddel som går i luftspenn. Ei taubane heng i ein tjukk vaier og har ein noko tynnare vaier som er kopla til ein vinsj. Den tynne wiren dreg bana opp/ned strekninga. Ei taubane bør byggjast i ei strekning med stigning, dersom ho ikkje skal ha ein vinsj i kvar ende.
Innhaldsliste |
Nokre taubaner i Noreg [endre]
- Hangursbanen på Voss. Gondolbane som går frå litt oppom jarnbanestasjonen på Vossavangen til toppen Hanguren. Dei to gondolane heiter Dinglo og Danglo.
- Harastølsbanen i Luster i Sogn. Bana går opp lia til Harastølen (Lyster Sanatorium) og var nytta til både person- og godstrafikk
- Ulriksbanen i Bergen. Bana går opp til fjelltoppen Ulriken. Ho er ei gondolbane og vert nytta til persontrafikk. Dei to gondolane heiter Perle og Bruse.
- Yndesdalsbanen i Luster i Sogn. Bana kryssar Veitastrondsvatnet og garden Osphola, og går mellom gardane Yndesdal i Luster og Ugulsvik. Bana vart nytta til godstrafikk, men personar har også teke turen på «strengen».
Lovregulering [endre]
Taubanelova har nærare reglar om løyve til å bygge taubaner, skitrekk med vidare, og kontroll med desse.
