Tokke kommune

«Tokke» omdirigerer hit. For andre tydingar av ordet, sjå Tokke (fleirtyding).

Tokke er ein kommune i Telemark fylke. Tokke ligg i enden av Telemarkskanalen, vest i fylket, og grensar til kommunane Vinje, Kvitseid, Seljord, Fyresdal, Valle og Bykle.

Bygda er frå gammalt av eit bjørneområde, og derfor har kommunevåpenet bilete av ein bjørn.

Innhaldsliste

Mesteparten av kommunen er fjell. Høgaste punktet i kommunen er Kvannfjell, 1 537 moh. Elva Tokke renn mellom Åmot i Vinje og innsjøen Bandak i Tokke. Andre vatn i kommunen er Borsæ, Botnedalsvatn, Byrtevatn, Folurdvatnet og Skredvatn.

I Eidsborg ligg Vest-Telemark museum der ein mellom anna finn Eidsborg stavkyrkje.

Tokke har lange tradisjonar med eksport av brynestein heilt tilbake til vikingtida.

Det har vore gruvedrift i området sidan 1540, og ho gjekk føre seg i over 400 år. Koppermalmleia på Åmdals Verk vart funnen i 1689, og verket var i drift fram til 1945.

Kommunen har og store vasskraftressursar.