Tomasjord

Tomasjord er ein bydel i Tromsø, og ligg på austsida av Tromsøysundet, like nord for Tromsdalen. Postadresse er 9024 Tomasjord. Ved stortingsvalet i 2013 omfatta valkrinsen Tomasjord 4004 stemmeberettiga.^[1] Busetnaden i bydelen består for det meste av einebustadar, men dei siste åra er det bygd ca. 450 leilegheiter i blokker på Tomasjordnes.

I november 1942 oppretta det tyske sikkerheitspolitiet Sipo ein fangeleir på Krøkebærsletta. Denne avløyste fangeleiren Sydspissen, som låg heilt sør på Tromsøya. Leiren var i all hovudsak ein gjennomgangsleir for fangar frå Nord-Noreg (nord for Lofoten) som skulle til Falstad, Grini eller Tyskland. Ein går ut frå at ca. 2000 fangar passerte Krøkebærsletta.^[2]

Tromstun ungdomsskule og Tromsdalen vidaregåande skule ligg begge på Tomasjord. Elevar på barnetrinnet går på skule anten på Tromsdalen skule eller på Lunheim skule. Den einaste større føretaket med tilhold i bydelen er Troms Kraft, som har hovudkontoret sitt her.

Kjelder[endre | endre wikiteksten]

↑ Tabell: 07362: Stortingsvalg. Stemmeberettigede, etter kjønn, kommune og valgkrets (Valgkrets: 19020011 Tomasjord), Statistisk sentralbyrå
↑ NOU 1998: 12, Alta Bataljon, 11.7.2 Fangeleirer

Sjå òg[endre | endre wikiteksten]

Bydelar i Tromsø

69°39′32.814″N 19°1′6.1104″E / 69.65911500°N 19.018364000°E / 69.65911500; 19.018364000

[1] Tabell: 07362: Stortingsvalg. Stemmeberettigede, etter kjønn, kommune og valgkrets (Valgkrets: 19020011 Tomasjord), Statistisk sentralbyrå

[2] NOU 1998: 12, Alta Bataljon, 11.7.2 Fangeleirer

[1]

[2]