Toni Kroos

Toni Kroos

Personleg informasjon
Namn	Toni Kroos
Fødselsdato	4. januar 1990
Fødestad	Greifswald i DDR
Høgd	182 cm
Posisjon	Midtbane, ving
Klubbinformasjon
Spelar for	Bayern München
Draktnummer	39
Ungdomsklubb
1997-2002 2002-06 2006-07	Greifswalder SV Hansa Rostock Bayern München
Klubbar*
År	Klubb	Kampar (mål)
2007- 2009-10	Bayern München Bayer Leverkusen (lån)	29 (1) 43 (10)
Landslag**
2008- 2010-	Tyskland U21 Tyskland	9 (2) 12 (0)
* Klubbkampar og mål i nasjonal liga   er sist oppdatert 29. oktober 2010. ** Landskampar og mål er sist oppdatert 12. oktober 2010.

Toni Kroos (fødd 4. januar 1990 i Greifswald i Mecklenburg-Vorpommern) er ein tysk fotballspelar som spelar for Bayern München i tysk Bundesliga og for Tyskland sitt landslag.

Kroos kom til Bayern München sitt ungdomslag i 2006. Han debuterte for A-laget som 17-åring, 26. september 2007. Han spelte 12 ligakampar for Bayern i 2007/08-sesongen, då dei vart tyske seriemeistrar. Frå januar 2009 til sommaren 2010 var han på lån hjå Bayer Leverkusen.

Kroos debuterte for Tyskland sitt A-landslag 3. mars 2010 i ein privatlandskamp mot Argentina. Han var med i Tyskland sin tropp til fotball-VM i 2010, der han spelte som innbytar i fire kampar: Den siste gruppekampen, mot Ghana, kvartfinalen, semifinalen og bronsefinalen.

Veslebroren hans, Felix, er òg profesjonell fotballspelar, i 2010/11-sesongen hjå Werder Bremen, med aldersbestemte landskampar for Tyskland.