Torbjørn Anderssen
| Torbjørn Anderssen | |
| Statsborgarskap | Noreg |
| Fødd | 3. mars 1976 (48 år) |
| Yrke | møbeldesigner |
Torbjørn Anderssen (fødd 3. mars 1976) er ein norsk formgjevar.
Anderssen voks opp i Biristrand i Gjøvik. Han tok hovudfag i design ved Kunsthøgskolen i Bergen i 2002. Etter dette var han med på å grunnlegga merket Norway Says, som seinare har vunne fleire prisar, saman med Andreas Engesvik og Espen Voll. Denne gruppa har mellom anna utforma tekstilar, møblar, glas og lamper.
I arbeidet sitt har han vore oppteken av å betre kommunikasjonen og forholdet mellom norske designarar og ferdigvareindustrien, og gjennom arbeidet i Norway Says har han bidrege til å få fram andre enkeltverksemder, som møbelprodusenten L.K. Hjelle og tekstilprodusenten Gudbrandsdalens Uldvarefabrik. Bladhaldaren «Papermaster», som er utforma av Anderssen for Swedese, er innkjøpt av Victoria and Albert Museum i London.
Prisar og utmerkingar[endre | endre wikiteksten]
- 2003 Norsk Designråds merke for god design[1]
- 2005 Norsk Forms pris for unge formgivere
- 2007 Torsten og Wanja Söderbergs pris
Kjelder[endre | endre wikiteksten]
- ↑ norskdesign.no Hal sofa og stol og møbelstoffet Odal Arkivert 2011-10-28 ved Wayback Machine.
- Knut Olav Åmås [red.]: «Anderssen, Torbjørn» i Hvem er hvem? (Aschehoug, 2008).
- «Torbjørn Anderssen i Norway Says» hjå Kunsthøgskolen i Bergen.
- «Torbjorn Anderssen Arkivert 2010-01-14 ved Wayback Machine.» hjå Swedese.