Torbjørn Løkken

Frå Wikipedia – det frie oppslagsverket
Gå til: navigering, søk

Torbjørn Løkken (fødd 28. juni 1963) er ein norsk, tidlegare kombinertløpar frå Biri i Oppland. 1987 var hans store sesong, han vann då VM i Oberstdorf individuelt og verdscupen i kombinert, samt tre verdscuprenn og noregsmeisterskapen. Løkken var medlem av Biri IL, og gjekk under tilnamnet «Biri'n».

Aktiv[endre | endre wikiteksten]

Løkken byrja markere seg mellom dei beste kombinertrennarane i 1985-sesongen. Han fekk då to andreplassar i verdscupen i kombinert og tok bronsemedaljen i noregsmeisterskapen. Etter ein heller svak 1986-sesong kom han tilbake og var verdas beste kombinerutøvar i 1987. Gjennom sesongen vann han tre verdscuprenn og vart verdsmeister i kombinert i Oberstdorf framom landsmannen Trond Arne Bredesen. Dei same to løparane vann også VM-sølv for Noreg i lagtevlinga, saman med Hallstein Bøgseth.

Løkken vann to verdscuprenn i OL-sesongen 1988, men vart nummer seks i kombinertøvinga under dei olympiske leikane i Calgary. Han trappa ned satsinga på idretten ved sesongslutt i 1988, la opp i 1990 og utdanna seg til sjukepleiar.

Mange år seinare vart det offentleg kjent at Løkken i lang tid hadde vore rusmisbrukar.[1]

Verdscupsigrar[endre | endre wikiteksten]

# Dato Sted
1 13. desember 1986 Flag of Canada.svg Canada Canmore
2 17. januar 1987 Flag of France.svg Frankrike Autrans
3 6. mars 1987 Flag of Sweden.svg Sverige Falun
4 9. januar 1988 Flag of Switzerland.svg Sveits St. Moritz
5 18. mars 1988 Flag of Norway.svg Noreg Holmenkollen

Medaljar og besteplasseringar i noregsmeisterskap[endre | endre wikiteksten]

  • 1984: Nr 8 i Hof
  • 1985: Bronsemedalje i Tromsø
  • 1986: Sølvmedalje på Vang
  • 1987: Gullmedalje i Steinkjer
  • 1988: Sølvmedalje på Vang

Løkken vart tildelt Morgenbladets Gullmedalje i 1987.

Notar[endre | endre wikiteksten]

Kjelder og bakgrunnsstoff[endre | endre wikiteksten]