Trípoli i Hellas
| Trípoli | ||
|---|---|---|
| Plassering | ||
  Trípoli
|
||
| Styresmakter | ||
| Land Periferi Periferieining |
 HellasPeloponnes Arkadía |
|
| Geografi | ||
| Flatevidd - By |
119,3 km² |
|
| Innbyggjarar - By (2001) - folketettleik |
28 976 243/km² |
|
| Koordinatar | Koordinatar: | |
| Høgd over havet | 655 m | |
| Diverse annan informasjon | ||
| Postnummer | 221 00 | |
| Telefon-retningsnummer | 2710 | |
| Bilnummer | TP | |
| Heimeside: www.tripolis.gr | ||
Trípoli (gresk Τρίπολη, eldre form og på latinsk Tripolis, og stundom Tripolitsa, Tripolitza og Tripolizza) er ein by på Peloponnes i Hellas. Trípoli er ein kommune i periferieininga Arkadía i periferien Peloponnes og er hovudstad både i periferieininga og i periferien Peloponnes. Byen er den største i periferieininga og ein av få stader i Arkadía som veks. Frå 2011 omfattar kommunen òg dei tidlegare kommunane Valtétsi, Korýthio, Levídi, Mandínia, Skyrítida, Tegéa og Fálanthos.
Avstanden frå Pýrgos er om lag 145 km aust, han ligg 125 km aust for Olympia, 144 km søraust for Pátra og søraust for Kalávryta, 78 km sørvest for Korint og om lag 148 km sørvest for Aten. I tillegg ligg han vest for Árgos og Návplio, nordvest for Leonídio, nord for Spárti, nordaust for Kalamáta, 33 km nordaust for Megalópoli og nordaust for Kyparissía, aust for Stemnítsa og søraust for Dimitsána. I dag er Trípoli sete for det nye Peloponnes universitet.
Historie [endre]
I mellomalderen vart staden kalla Drobolitsa, Droboltsá eller Dorboglitza, som kanskje kjem frå det greske Hydropolitsa, «Vassbyen» eller kanskje det sørslavisk ordet som tyder «slette med eiketre».[1]
Den moderne Trípoli vart grunnlagd i 1770 nær ruinane av dei antikke byane Pallantron, Tegea og Mantinea, derfor namnet Τρίπολης = τρεις πόλεις, som tyder «tre byar». Før den greske sjølvstendekrigen hadde han ein muslimsk og jødisk folkesetnad og var det sentrum for den osmanske okkupasjonen av Hellas.
Under den greske sjølvstendekrigen vart Trípoli den første store byen som vart teke av grekarane. Theodoros Kolokotronis tok byen 17. oktober 1821 [2]. Den muslimske folkesetnaden, som bestod av tyrkarar og albanarar, vart massakrert, kanskje så mykje som 30 000 menneske.[3] Då Ibrahim Pasha gjenerobra byen 22. juni 1825 massakrerte han til gjengjeld den kristne folkesetnaden og brende ned byen.[4]
Etter at han vart erobra på ny av grekarane i 1829 vart Trípoli eit stort senter i det sjølvstendige Hellas.
Kjelde [endre]
- ↑ Transactions of the Philological Society 1934, s. 19-20
- ↑ Nevill Forbes, et. al., The Balkans full utgåve
- ↑ Bouboulina Museum
- ↑ La Grande Encyclopédie, s.v. Tripolis
- Denne artikkelen er basert på ei omsetjing av artikkelen Tripoli, Greece frå Engelsk Wikipedia .
