Triestebukta

Frå Wikipedia – det frie oppslagsverket
Gå til: navigering, søk
Triestebukta og kyststrøka

Triestebukta (italiensk: Golfo di Trieste, slovensk: Tržaški zaliv, kroatis: Tršćanski zaljev, tysk språk: Golf von Triest) er ei grunn bukt heilt nord i Adriatarhavet. Ho er ein del av Veneziabukta, og er delt mellom Italia, Slovenia og Kroatia.

Bukta er avgrensa av ei tenkt linje frå Punta Tagliamento på den italienske kysten og Savudrija (Punta Salvore) i Kroatia. Arealet er om lag 1 000 km², og ho har eit middeldjup på 16 meter. På det djupaste er ho derimot 37 meter.

Bortsett frå dei flate småøyane som blokkerer inngangen til Laguna di Grado, er det ingen øyar i bukta. Austkysten med Trieste og den slovenske kysten er forholdsvis kupert. I Triestebukta finn ein òg fleire mindre bukter som Muggiabukta, Koperbukta (Capodistria) og Piranbukta (Pirano).