Try to Remember
«Try to Remember» er ein song frå den musikalske komedien The Fantasticks. Han var den første songen i showet. Teksten var skriven av Tom Jones og melodien av Harvey Schmidt.
Versjonar[endre | endre wikiteksten]
«Try to Remember» vart opphavleg sungen av Jerry Orbach i den originale Off-Broadway-produksjonen av The Fantasticks. Songen nådde Billboard Hot 100 tre gonger i 1965 i versjonar av Ed Ames, Roger Williams, Barry McGuire, The Kingston Trio, The Sandpipers og The Brothers Four.
Patti Page gav òg ut ein versjon i 1965 på albumet hennar Hush, Hush, Sweet Charlotte.
Andy Williams gav ut sin versjon i 1966 på albumet The Shadow of Your Smile.
Perry Como gav ut sin versjon i 1968 på albumet Look to Your Heart.
Songen vart ein australsk hit for trioen New World, då kalla The New World Trio. Versjonen deira nådde 11. plassen seint i 1968.
Roy Orbison spelte inn sin versjon for albumet The Many Moods of Roy Orbison i 1969.
I 1971 fekk den nederlandske duoen Saskia & Serge ein stor hit i Nederland med signaturlåten sin «Zomer in Zeeland», som brukte same melodien som «Try to Remember».
I 1975 fekk Gladys Knight & the Pips ein stor internasjonal hit med sin versjon av «Try to Remember», og kombinerte han i ein medley med ein song av Barbra Streisand, «The Way We Were». Han nådde 11. plassen på poplista i USA.
Harry Belafonte spelte inn songen fleire gonger.
Den greske songaren Nana Mouskouri spelte inn songen på tre forskjllige språk: tysk, fransk og italiensk.
Den rumenske songaren Aura Urziceanu spelte inn ein rumenskspråkleg versjon i ein duett med Aurelian Andreescu i 1975 kalla «Septembrie».
Skodespelarinna Patricia Routledge spelte inn songen i 1975 for soloalbumet Presenting Patricia Routledge Singing the Classics.
John Barrowman spelte songen i 2003 på albumet Reflections from Broadway.
Donald Braswell II spelte songen i 2007 på albumet New Chapter.
Norsk versjon[endre | endre wikiteksten]
Bjørn Endreson har skrive ein norsk tekst. På norsk heiter han «Gyldne september». Sangen vart spelt inn av Svenn Linn på singlen Nor-Disc NOR 104 i 1965.
I film og fjernsyn[endre | endre wikiteksten]
«Try to Remember» vart nytta i filmen The Man Who Fell to Earth.
Sandy Duncan framførte songen i 1976 på The Muppet Show.
Jonathon Morris framførte songen i filmversjonen av The Fantasticks i 1995, og ein annan versjon vart laga av Leon Lai for Hong Kong-filmen City of Glass i 1998.
Kjelder[endre | endre wikiteksten]
- Denne artikkelen bygger på «Try to Remember» frå Wikipedia på engelsk, den 1. mars 2015.
- Wikipedia på engelsk oppgav desse kjeldene: