Turia
| Turia | ||
 |
||
| Utspring | Universalesfjella | |
| - Høgd | 1680 moh | |
| Munning | Middelhavet | |
| Land i nedslagsfelt |  Spania |
|
| Lengd | 280 km | |
| Nedslagsfelt | 6393,6 km² | |
Turia (latinsk Turium, gresk Thyrion eller Thèrios, Θηριος) er ei elv i Spania som spring ut i provinsen Teruel. Ho renn gjennom provinsen Valencia og munnar ut i Middelhavet nær byen Valencia. Det første strekket av elva vert kalla Guadalaviar.
Etter ein katastrofal flaum i 1957 som gjekk hardt utover byen Valencia, vart elva delt i to vest i byen. Vatnet er ført inn i eitt nytt elvefar utanfor byen før ho renn ut i Middelhavet. Det gamle elvefaret ligg i dag tørt gjennom byen og er omgjort til ein park der syklistar og fotgjengarar kan kome seg gjennom det meste av byen utan å nytte vegar. Parken, som heiter Turiahagen (Jardí del Túria/Jardín del Turia) har mange små tjern, stiar, fontener, blomar, fotballbanar, kafear, kunstverk, klatreveggar, ein løpebane, ein zen-hage og meir. Mange bruer fører trafikken over parken.
Aust i parken ligg Gulliverparken (Parc Gulliver/Parque Gulliver), ein leikeplass for barn med ein stor glasfibermodell av Lemuel Gulliver knytt til bakken med tau. Modellen er konstruert slik at det er mogeleg å klatre i taua. I tillegg dannar kleda til Gulliver skiler og stigar som ein kan leike i. I aust finn ein òg Valencia musikkpalass (el Palau de la Música Valenciana).
Bakgrunnsstoff [endre]
Kjelder [endre]
- Denne artikkelen bygger på «Turia River» frå Wikipedia på engelsk, den 2. mai 2009.
