Kystpartiet
| Kystpartiet | |||
 | |||
| Land | Noreg | ||
|---|---|---|---|
| Partileiar(ar) | Ann-Birgith Bårdsen Wærnes | ||
| Grunnlagt | 1. februar 1999 | ||
| Hovudkvarter | Oslo | ||
| Ideologi | regionalisme, agrarparti, nasjonalkonservatisme, euroskeptisisme, verdikonservatisme  | ||
| Politisk posisjon | sentrisme | ||
| Slagord | Vi tar folket på alvor | ||
Kystpartiet er eit verdikonservativt sentrumsparti. Partiet vart formelt skipa den 1. februar 1999 under leiing av Steinar Bastesen. Han hadde då, sidan stortingsvalet i 1997 sete på Stortinget for Tverrpolitisk Folkevalgte, som var ein laust organisert forgjengar for Kystpartiet. Bastesen vart attvald i 2001, men partiet fekk ikkje inn nokon stortingsrepresentantar i 2005. Roy Waage følgde Steinar Bastesen som partileiar etter sterk kritikk innad i partiet.
Kystpartiet vart tufta på grunnlag av misnøye med måten Stortinget handlar med EU på.
Kystpartiet mista ordføraren (Thor Tøllefsen) i Karlsøy ved valet i 2007. Tøllefsen var òg partiet sin førstekandidat under stortingsvalet 2005. Paul Rånes var frå 2003 til 2007 ordførar for Kystpartiet i Røst. Roy Waage var ordførar for Kystpartiet i Skjervøy fra 2004-2011, etter at han og dei fleste i kommunestyregruppa til Kristeleg Folkeparti melde overgang til Kystpartiet.
Stortingsvalshistorikk[endre | endre wikiteksten]
| Årstal | Antal røyster | Prosent av røystene |
|---|---|---|
| 2001 | 44 010 | 1,7 % |
| 2005 | 21 948 | 0,8 % |
| 2009 | 5 341 | 0,2 % |
| 2013 | 3 311 | 0,1 % |
| 2017 | 2 466 | 0,1 % |
| 2021 | 171 | 0,006 % |
Kystpartiet har hovudvekta av støtta si i Nordland og Troms. Ved stortingsvalet 2001 fekk partiet 14 042 stemmer, eller 10,9 %, i Nordland, noko som innebar eitt mandat på tinget. 8 124 stemmer, eller 10,0 % i Troms same året var akkurat for lite. Ved stortingsvalet 2005 gjekk partiet kraftig tilbake i Nordland og fekk berre 4 155 stemmer, eller 3,1 %. Partiet mista derfor mandatet sitt. Sjølv om tilbakegangen var mindre i Troms, 7 218 stemmer, eller 8,6%, heldt det heller ikkje denne gongen til mandat frå fylket.
Partiet i kommunar og fylkesting[endre | endre wikiteksten]
Ved fylkestingsvalet 2007 fekk partiet 2,0 % av røystene i Nordland, 3,5 % i Troms - om lag 0,4 % på riksplan.
Ved kommunestyre- og fylkestingsvalet 2023 fekk partiet 547 røyster fordelt på kommunane Lurøy, Askøy og Oslo. Det fekk inn eitt mandat i Lurøy kommunestyre.[1]
Kjelder[endre | endre wikiteksten]
- ↑ «Valgresultat for Norge – Valg 2023», NRK (på norsk bokmål), henta 23. september 2023