Tysvær
Frå Wikipedia – det frie oppslagsverket
| Våpen | Kart |
|---|---|
 |
 |
| Grunnleggjande opplysningar | |
| Kommunenr: | 1146 |
| Fylke: | Rogaland |
| Administrasjonssenter: | Aksdal |
| Flatevidd: | 419 km² |
| Folketal: | 9 604 (2008) |
| Målform: | Nynorsk |
| Internettside: | www.tysver.kommune.no |
| Politikk | |
| Ordførar: | Harald Stakkestad (H) 2007-2011 |
Tysvær er ein kommune på Haugalandet i Rogaland fylke. Han grensar til kommunane Haugesund og Karmøy i vest, Sveio i Hordaland og Vindafjord i nord, over Vindafjorden i aust ligg Suldal, og over Boknafjorden i sør ligg Finnøy og Bokn. E39 og E134 går gjennom Tysvær og kryssar kvarandre i kommunesenteret Aksdal.
Kommunen ligg på nordsida av Boknafjorden og landskapet er prega av fleire fjordar som går innover i landet sørfrå. I vest ligg Førresfjorden, litt lenger aust Førlandsfjorden, så kjem Hervikfjorden/Skjoldafjorden/Grindafjorden før kommuen vert avgrensa av Vindafjorden i aust. I nordaust går grensa mot Vindafjord kommune i Yrkefjorden. Mellom fjordane ligg det ein del mindre innsjøar og vatn. Det er ein del mindre øyer i kommunen, den største av dei, og den einaste som er busett, er Borgøy som ligg i Skjoldafjorden.
Mange av dei som bur i Tysvær har arbeidet sitt i Haugesund. Elles er jordbruk ein viktig leveveg, og det vert også dreve noko fiske og fiskeoppdrett. Sørvest i kommunen ligg Kårstø gassbehandlings- og kondensatanlegg.
Tysvær Bygdeblad er lokalavis for Tysvær. Haugesunds Avis har òg nyhende frå kommunen.
[endre] Bakgrunnsstoff
 |
|
