Utne

Frå Wikipedia – det frie oppslagsverket
Gå til: navigering, søk
Denne artikkelen handlar om grenda Utne i Hardanger. For garden Utne i Østfold fylke, sjå Utne i Greåker.
Utne
Utne sett frå ferja (Kinsarvik-Utne-Kvanndal)  Foto: Ed Fenton
Utne sett frå ferja (Kinsarvik-Utne-Kvanndal)

Foto: Ed Fenton

Geografi
Kommune Ullensvang
Fylke Hordaland
Annan informasjon
Ferdselsårer Riksveg 550
Postnummer 5778 UTNE
Innbyggjarnamn utning
Preposisjon Utne
Kart
Utne is located in Hordaland
60°25′29″N 6°37′29″EKoordinatar: 60°25′29″N 6°37′29″E

Utne er ei grend i Ullensvang herad i Hardanger. Utne ligg på nordenden av Folgefonnhalvøya, på sørsida av Utnefjorden, vest for innlaupet til Sørfjorden.

Riksveg 550 går om Utne til Odda og Jondal, og det er ferjesamband frå Utne til Kinsarvik og Kvanndal. Sommarstid går det snøggbåt mellom Norheimsund, Utne, Lofthus, Kinsarvik, Eidfjord og Ulvik. Det var eige postkontor på Utne til for nokre få år sidan, og no er det post i butikk. Utne har framleis eige postnummer, 5778 Utne.

På Utne ligg hovudavdelinga til Hardanger Folkemuseum og hovudkontoret til Sparebanken Hardanger.

Utne Hotel opna som gjestgjevargard i 1722 og er framleis i drift, hotellet og den tilhøyrande Tingstova og eit naust vart freda av Riksantikvaren sommaren 2006.

I 2004 stod eit av dei største fruktlagra i Noreg ferdig i Sletthagen på Utne. Anlegget er eigd av Hardanger Fjordfrukt. Ullensvang herad driv lækjarkontor, barnehage, bibliotekfilial og alders- og sjukeheimen Utneheimen.

Ungane frå Utne går no på Hauso skule etter at Vines skule vart lagd ned. Dei næraste vidaregåande skulane er i Odda, på Voss og i Øystese.

I 1895 stod Utne kyrkje ferdig, tidlegare hadde utningane sokna til Kinsarvik kyrkje.

Bakgrunnsstoff[endre | endre wikiteksten]

Biletgalleri[endre | endre wikiteksten]