Valentin Gavrilov
| Valentin Gavrilov | |
 | |
| Statsborgarskap | Sovjetunionen |
| Fødd | 26. juli 1946 Moskva |
| Død |
23. desember 2003 (57 år) |
| Yrke | friidrettsutøvar |
| Høgd | 191 centimeter |
Valentin Aleksandrovitsj Gavrilov (26. juli 1946–23. desember 2003) var ein sovjet-russisk friidrettsutøvar frå Moskva. Han vart europameister i høgdehopp i 1969, året i førevegen fekk han bronsemedaljen i øvinga under OL i Mexico-byen.
Aktiv[endre | endre wikiteksten]
Gavrilov debuterte internasjonalt ved europameisterskapen 1966 i Budapest. Med 2,06 m i sluttrotokollen enda han på sjuande plass i høgdetvelinga. I 1967 vart han sjovjetisk meister med 2,12 m.
Våren 1968 sette han personleg rekord med 2,20 m. Om hausten same året var han med i den historiske høgdehopp-tevlinga under dei olympiske sommarleikane i Mexico-byen. Framfor eit måpande publikum hoppa USA-amerikanaren Dick Fosbury seg over høgde etter høgde med ein stil (Fosbury-flopp) ingen hadde sett maken til. Til sist var han den einaste som klarte 2,24 m og dermed var gullmedaljen hans. Hans landsmann Ed Caruthers fekk sølv med 2,22 m, medan Gavrilov tangerte sitt personbeste på 2,20 og tok bronsemedaljen.
Våren 1969 vann Gavrilov høgdehopp i innandørs-EM i Beograd. Om sommaren sigra han i øvinga i den sovjetiske meisterskapen med 2,15. Han forbetra så den personlege rekorden til 2,21 meter. Under europameisterskapen 1969 i Aten vann Gavrilov gullmedaljen med 2,17 meter, same høgda klarte både Reijo Vähälä frå Finland og italienaren Erminio Azzaro, høvesvis sølv- og bronsevinnar.
Med eit hopp på 2,20 m vann Gavrilov innandørs-EM også i 1970. Sommaren 1970 vann han høgdetevlinga i universiaden etter å ha gått over 2,18 m, hans årsbeste for sesongen var på 2,20 m. I 1971-sesongen hadde han 2,18 m som best, men fekk likevel delta ved europameisterskapen 1971 i Helsingfors der han vart nummer ti med 2,11 m. Både i 1972 og 1974 tangerte han den personlege rekorden på 2,21 m, det var ikkje lenger godt nok til å representere Sovjetunionen internasjonalt.
Medaljar og plasseringar i internasjonale meisterskap[endre | endre wikiteksten]
- EM 1966 i Budapest: Nr 7 – 2,06 m
- OL 1968 i Mexico by: Bronsemedalje – 2,20 m, bakom Ed Caruthers 2,22 m
- EM 1969 i Aten: Gullmedalje – 2,17 m, framom Reijo Vähälä (2,17 m)
- EM 1971 i Helsingfors: Nr 10 – 2,11 m
Kjelder[endre | endre wikiteksten]
- Denne artikkelen bygger på «Walentin Alexandrowitsch Gawrilow» frå Wikipedia på tysk, den 13. september 2014.