Vansbro kommun

Vansbro kommun
Kommunevåpenet til Vansbro kommun
Len	Dalarnas län
Landskap	Dalarna
Centralort	Vansbro
Areal	1 667,17 km²
– Landareal	1 548,70 km²
– Vassareal	118,47 km²
Folketal	6 959
Folketettleik	4,49/km²
Kommunenummer	2021
Nettside	www.vansbro.se
Kart

Vansbro kommun er ein kommune i Dalarnas län i Sverige. Kommunen grensar til fem andre kommunar i Dalarnas län, Mora kommun i nord, Leksands kommun i nordaust, Gagnefs kommun i aust, Ludvika kommun i sør og Malung-Sälens kommun i vest. I tillegg grensar han til Filipstads kommun i Värmlands län i sørvest. Administrasjonssenteret i kommunen er Vansbro.

Vansbro kommun har eit kupert og skogkledd landskap med mykje myrmark. Västerdalälven renner gjennom kommunen, som er ein jord- og skogbrukskommune.

Administrativ historikk

Dei tre kommunane Järna, Nås og Äppelbo vart ikkje påverka av den fyrste landsomfattande kommunereforma i 1952, men heldt i staden fram som eigne kommunar til den andre kommunereforma i 1971. Då vart dei slått saman til Vansbro kommun, med namn etter administrasjonssenteret Vansbro (som var municipalsamhälle frå 1911 til 1960).

Kommunevåpenet

Blasonering: På blå bakgrunn, ei øks og eit sverd i kross, med eit jernmerke i den øvre krossvinkelen, alt i gull..

Alle dei tre tidlegare einingane som i 1971 oppretta kommunen hadde, som mange andre i Dalarna, eigne heraldiske våpen. Ein valde i byrjinga å bruke alle tre med eit blått band som bakgrunn. I 1986 vart det noverande våpenet registrert i Patent- och registreringsverket. Det inneheld element frå alle dei tre tidlegare våpena.

• 

  Våpenet til Äppelbo landskommun.

Tettstader

Det er fire tettstader i Vansbro kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Vansbro	2 030
2.	Järna	1 429
3.	Nås	455
4.	Äppelbo	261

Kjelder

• Artikkelen var opphavleg basert på ei omsetjing av «Vansbro kommun» på Wikipedia på svensk.
• «Vansbro – kommune» på Store Norske Leksikon.