Vardim

Vardim (bulgarsk остров Вардим, ostrov Vardim) er den tredje største bulgarske øya i Donau, like i nærleiken av landsbyen Vardim (i Svisjtov kommune og provinsen Veliko Tarnovo). Ho er del av eit verna våtmarksområde der sjeldne fugleartar hekkar.

Biologisk mangfald

Bortsett frå Vardim eika, ein spesiell hygrofil type sommareik, finst det andre typar eik og alm på Vardim øy, i tillegg til kvitpil, sølvpoppel, svart akasie, svartpoppel og klosterklokke.

Øya er ein av dei fem viktigaste hekkeområda i landet for storskarv, natthegre og skjestork, og dermed eit viktig internasjonalt ornitologisk område. Totalt hekkar 21 fugleartar, som er verna i landet, på øya. Av 75 fugleartar på Vardim er 31 av dei viktige i Europa. Ein kan mellom anna sjå havørn på øya, og fram til 1985 mellom anna bronseibis og dvergskarv.

For å verne den naturlege Vardim-eika og dei mange vadefuglane, vart området eit naturreservat 5. mars 1971. Reservatet dekkjer eit området på 0,718 km², der 0,646 km² er dekka av skog. 2. juli 1998 vart området omkategorisert som eit verna område med eit areal på 0,987 km².

Kjelder

• http://www.birdlife.org/print.html?url=%2Fdatazone%2Fsites%2Findex.html%3Faction%3DSitHTMDetails.asp%26sid%3D394%26m%3D0

• Denne artikkelen er basert på ei omsetjing av artikkelen Vardim Island frå Engelsk Wikipedia .