Veluwe

Ein skog i Veluwe

Veluwe er ein skogkledd region i provinsen Gelderland i Nederland. Veluwe har mange forskjellige landskap, frå skogområde, lyngheiar, nokre små innsjøar og nokre av dei største sanddynene i Europa. Veluwe er den største morenen i Nederland og strekker seg 60 km frå nord til sør og når ei høgd på opp mot 110 meter over havet.

Opphavleg var Veluwe omgjeve av myrområde, men desse har vorte drenert. Sidan 1990-åra har det vore framlagt planar om å gjenopprette desse våtmarkene ved å blokkere dreneringssystem som vart bygd av bønder i løpet av dei siste 150 åra.

Midt i det sørlege Veluwe ligg nasjonalparken Nationaal Park De Hoge Veluwe med eit areal på 50 km². Lenger aust ligg nasjonalparken Veluwezoom som òg har ein storleik på 50 km². Det er planar om å gjere heile Veluwe om til ein einaste stor nasjonalpark.

Byar

Det er 21 byar i Veluwe: Apeldoorn, Arnhem, Barneveld, Brummen, Ede, Elburg, Epe, Ermelo, Harderwijk, Hattem, Heerde, Nijkerk, Nunspeet, Oldebroek, Putten, Renkum, Rheden, Rozendaal, Scherpenzeel, Voorst og Wageningen.

Bakgrunnsstoff

• Hoge Veluwe
• Turistinformasjon

Kjelder

• Denne artikkelen bygger på «Veluwe» frå Wikipedia på engelsk, den 15. februar 2008.