Vera Nikolić
| Vera Nikolić | |
 | |
| Statsborgarskap | Jugoslavia, Serbia og Montenegro, Serbia |
| Fødd | 23. september 1948 Grabovica, Despotovac |
| Død | |
| Yrke | mellomdistanseløpar, friidrettsutøvar |
| Språk | serbisk |
| Høgd | 168 centimeter |
| Vera Nikolić på Commons | |
Vera Nikolić[a] (fødd 23. september 1948) er ein serbisk tidlegare mellomdistansløpar som vart europameister for Jugoslavia på 800 m både i 1966 og 1971.
Aktiv[endre | endre wikiteksten]
Knapt 18 år gammal vann Nikolić 800 meter under EM i friidrett 1966 i Budapest på tida 2.02,8. Ho var då den yngste europameisteren i friidrett nokon gong, fyrst 20 år seinare vart denne prestasjonen kopiert av ein yngre utøvar. Den 20. juli 1968 sette Nikolić verdsrekord på 800 m i London då ho vart klokka inn på tida 2.00,5. Rekorden stod i tre år, til dess vesttyske Hildegard Falck vart den fyrste kvinna under to minuttar på 800 m.
I europameisterskapen 1969 i Aten fekk Nikolić bronsemedaljen, slått på målstreken av sølvvinnaren Anneliese Damm Olsen frå Danmark, medan Lillian Board frå Storbritannia vann ein klar siger. Derimot lukkast ho å ta eit nytt EM-gull under friidretts-EM 1971 i Helsingfors, i suveren majestet sprang ho i mål på tida 2.00,0. Seinare i 1971-sesongen vann ho både 800 m og 1500 m under Mellomhavsleikane i Izmir.
Under dei olympiske leikane i München i 1972 kom Nikolić på femteplass på 800 meter med tida 1.59,98.
Merknadar[endre | endre wikiteksten]
- ↑ Serbisk-kyrillisk Вера Николић
Kjelder[endre | endre wikiteksten]
- Denne artikkelen bygger på «Vera Nikolić» frå Wikipedia på tysk, den 29. august 2014.