Vevarar

Vevarar
Raudhalevevar, Histurgops ruficauda
Systematikk
Rike:	Animalia
Rekkje:	Chordata
Klasse:	Aves
Orden:	Passeriformes
Familie:	Ploceidae
Slekter
Sjå teksten

Vevarar, Ploceidae, er ein artsrik familie i ordenen sporvefuglar, Passeriformes. Familien omfattar ca. 116 artar i 16 slekter. Vevarar har fått namn etter det kunstferdig vove reiret dei byggjer, jamvel om nokre artar er kjente for selektivt parasittiske hekkevanar.

Bayavevar, Ploceus philippinus hannfugl i Hyderabad, India.
Foto: J.M.Garg

Reir åt bayavevarar
Foto: J.M.Garg

Reirkoloni av landsbyvevarar, Ploceus cucullatus i Gambia

Akasievevar, Ploceus spekei Serengeti, Tanzania
Foto: Charles J Sharp

Skogvevar, Ploceus bicolor
Foto: Steve Garvie

Svarthettebisp, Euplectes franciscanus
Foto: Luc Viatour

Dei fleste artane lever i skogshabitat, krattskog og ope grasland i Afrika sør for Sahara. Berre nokre få artar lever og hekkar i tropiske område i Asia og dessutan i Australia. Mange artar av vevarar føljer og lever nær menneske. Dette er frøetande fuglar med avrunda koniske nebb. Kroppslengda er mellom 8 og 24 centimeter. Hannane av mange artar er fargerike, vanlegvis i raudt eller gult og svart, nokre artar viser variasjon i farge berre i hekkesesongen. Dei er selskapelege fuglar som ofte hekkar koloniar, gjerne nær vassførekomstar. Fuglane byggjer reiret saman for vern, ofte fleire i ei grein. Vanlegvis er det hannfuglane som vev reiret og brukar det for å imponere potensielle makar.

Reira varierer i storleik, form, i materialar som blir brukte, og byggeteknikkar varierer frå art til art. Materialar som blir brukte for å byggje reir inkluderer fine bladfibrar, gras og kvistar. Mange artar vev særs fint med tynne trådar av blad fiber, sjølv om nokre, som bøffelvevarar, formar koloniar av massive, uryddige reir lagd av trepinnar. Slike konstruksjonar kan ha sfærisk vove reir innanfor den ytre veggen. Dei afrikanske vevarartane i Plocepasser byggjer «blokkhusvære», der kvart av 100-300 par har sitt separate kolbeforma kammer med inngang frå undersida. Dei fleste artene vev reir med tronge, nedovervendte inngangar. Somme vevarartar kan ha dei mest forseggjorte av alle fuglereir.

Vevarar kan gjere skade på avlingar, spesielt blodnebbvevar som har vore rekna å vere kanskje verdas mest talrike fugleart.

Artslista

Vevarar i rekkjefølgje etter Clementslista versjon 6.4 frå desember 2009 med norske namn etter Norske navn på verdens fugler.

Slekt Bubalornis Kvitnebbøffelvevar, Bubalornis albirostris Raudnebbøffelvevar, Bubalornis niger Slekt Dinemellia Kvithovudvevar, Dinemellia dinemelli Slekt Sporopipes Rustnakkevevar, Sporopipes frontalis Skjeggvevar, Sporopipes squamifrons Slekt Plocepasser Kvitbrynvevar, Plocepasser mahali Rustkronevevar, Plocepasser superciliosus Brunryggvevar, Plocepasser rufoscapulatus Gråvevar, Plocepasser donaldsoni Slekt Histurgops Raudhalevevar, Histurgops ruficauda Slekt Pseudonigrita Gråkronevevar, Pseudonigrita arnaudi Svarthettevevar, Pseudonigrita cabanisi Slekt Philetairus Blokkvevar, Philetairus socius Slekt Malimbus Raudkronevevar, Malimbus coronatus Kongovevar, Malimbus cassini Liberiavevar, Malimbus ballmanni Gulbrystvevar, Malimbus racheliae Raudgumpvevar, Malimbus scutatus Ibadanvevar, Malimbus ibadanensis Raudbukvevar, Malimbus erythrogaster Raudbrystvevar, Malimbus nitens Toppvevar, Malimbus malimbicus Raudnakkevevar, Malimbus rubricollis Slekt Anaplectes Raudhovudvevar, Anaplectes rubriceps Slekt Ploceus over 60 artar Slekt Pachyphantes Kompaktvevar, Pachyphantes superciliosus

Slekt Quelea Kardinalvevar, Quelea cardinalis Raudhettevevar, Quelea erythrops Blodnebbvevar, Quelea quelea Slekt Brachycope Korthalevevar, Brachycope anomala Slekt Foudia Raudvevar, Foudia madagascariensis Komorvevar, Foudia eminentissima Tanalavevar, Foudia omissa Mauritiusvevar, Foudia rubra Seychellvevar, Foudia sechellarum Rodriguesvevar, Foudia flavicans Slekt Euplectes Svarthettebisp, Euplectes franciscanus Raudbisp, Euplectes orix Svartbrystbisp, Euplectes nigroventris Svartvengbisp, Euplectes hordeaceus Eldkragebisp, Euplectes gierowii Gulkronebisp, Euplectes afer Diadembisp, Euplectes diadematus Gullryggbisp, Euplectes aureus Gulgumpbisp, Euplectes capensis Kvitvengvevar, Euplectes albonotatus Gulkappevevar, Euplectes macroura Raudkragevevar, Euplectes ardens Raudvengvevar, Euplectes axillaris Myrvevar, Euplectes hartlaubi Svansvevar, Euplectes psammocromius Dragevevar, Euplectes progne Heksevevar, Euplectes jacksoni Slekt Amblyospiza Tjukknebbvevar, Amblyospiza albifrons

Kjelder

• Denne artikkelen bygger på «Ploceidae» frå Wikipedia på engelsk, og på «Webervögel» frå Wikipedia på tysk den 3. oktober 2010

Bakgrunnsstoff

• Videoar, bilete og lydopptak av vevarar hos Internet Bird Collection