Vik kommune

Frå Wikipedia – det frie oppslagsverket
Gå til: navigering, søk

Koordinatar: 61°5′N 6°34′E

Vik kommune
Våpen Kart
Komm.nr. 1417
Fylke Sogn og Fjordane
Adm.senter Vikøyri
Areal 828 km²
Folkemengd 2 731 (1. jan 2012)
Politikk
Ordførar (2007-) Marta Finden Halset (Ap)
Målform Nynorsk
Nettstad www.vik.kommune.no
Folketalsutvikling 1951-2010[1]
Befolkningsutvikling kommune 1417.svg
Vik kommune på Commons

Vik er ein kommune i Sogn og Fjordane fylke. Han ligg midtvegs inne og på sørsida av Sognefjorden, og grensar i aust til Aurland kommune, i sør til Voss kommune og Vaksdal kommune, og i vest til Modalen kommune og Høyanger kommune. På den andre sida av fjorden ligg Balestrand, Leikanger, Sogndal og Lærdal.

Kommunesenteret Vikøyri. På høgre side ute i fjorden ser ein spissen av Vangsnes stikke fram. Leikanger på andre sida av fjorden.

Kommunesoge[endre | endre wikiteksten]

Vik kommune består i dag av Arnafjord og strendene, Vangsnes, Feios og Fresvik i tillegg til Vik sentrum.

Vik kommune vart oppretta som Vik formannskapsdistrikt i 1837. Kommuen femde då Kvamsøy sokn på nordsida av Sognefjorden og på sørsida av fjorden frå grensa til Vangsnes sokn i aust til grensa mot Kyrkjebø sokn i vest. I 1964 vart Vangsnes sokn overførd til Vik kommune frå Balestrand, og Kvamsøy sokn vart overførd til Balestrand kommune frå Vik, samstundes vart garden Nybø og bruket Nygjerdet overførde frå Vik til den nyoppretta Høyanger kommune. I 1992 vart Feios og Fresvik sokn overførde frå Leikanger til Vik.[2]

Vik prestegjeld og kyrkjesokn[endre | endre wikiteksten]

Vik er eit kyrkjesokn i Indre Sogn prosti, og til 2004 var Vik også eit prestegjeld. Prestetenesta i Vik vert no leia av prosten i Indre Sogn prosti og prestegjeldet er nedlagt. Soknekyrkje for Vik er Vik kyrkje frå 1877. Kyrkja erstatta Hove kyrkje og Hopperstad stavkyrkje som soknekyrkje, og dei to sokna Hopperstad og Hove vart då slegne saman til eitt sokn, som fekk namnet Vik.

I tillegg til Vik sokn omfatta Vik prestegjeld òg Arnafjord sokn i vest og Vangsnes, Feios og Fresvik sokn austom hovudsoknet. Prestegjeldet hadde desse kyrkjene: Arnafjord kyrkje frå 1880 i bygda Nese ved Arnafjorden, Vik kyrkje frå 1877 i kommunesenteret, Vangsnes kyrkje frå 1861 på Vangsnes, Feios kyrkje frå 1866 i Feios, og Fresvik kyrkje frå 1881 i Fresvik. I tillegg kjem mellomalderkyrkjene Hopperstad stavkyrkje og Hove kyrkje som er eigde av kvar seg Fortidsminneforeninga og Miljøverndepartementet, og fungerer som museumskyrkjer.

Fram til 1809 høyrde og Kyrkjebø sokn til Vik prestegjeld, og fram til 1964 høyrde Kvamsøy sokn til Vik. Kyrkjebø vart overførd til Lavik prestegjeld, og Kvamsøy vart overførd til Balestrand prestegjeld. Vangsnes sokn høyrde til Balestrand prestegjeld frå 1850 til 1964. Før det igjen høyrde Vangsnes til Leikanger prestegjeld.[3] Fresvik og Feios sokn høyrde til Leikanger fram til 1992.

Fotnotar[endre | endre wikiteksten]

Eksterne lenker[endre | endre wikiteksten]

Arkiv frå Vik kommune - registrerte i Arkivportalen.no
Spire Denne geografiartikkelen som har med Sogn og Fjordane å gjere er ei spire. Du kan hjelpe Nynorsk Wikipedia gjennom å utvide han.