Villarreal

Villarreal


Flagget til Villarreal	Byvåpenet til Villarreal

Plassering

Styresmakter

Land

Spania

Grunnlagd

20. februar 1274

Borgarmeister

Juan José Rubert Nebot

Geografi

Flatevidd
- By

55,1 km²

Innbyggjarar
- Totalt (2008)
- folketettleik

50 626
918,8 /km²

Koordinatar

39°56′N 0°6′W / 39.933°N 0.100°W

Høgd over havet

42 moh

Diverse annan informasjon

Postnummer

12540

Nettstad: www.ajvila-real.es

Vila-real^[1] er ein by i Spania i provinsen provinsen Castelló i Regionen Valencia. Han ligg 7 km sør for provinshovudstaden Castelló de la Plana, 42 meter over havet. Han har kring 50 000 innbyggjarar og er den nest største byen i provinsen og den tiande største i Valencia.

Historie[endre | endre wikiteksten]

Byen vart grunnlagd i 1274 av kong Jakob I av Aragon (derfor namnet Villareal, «Kongebyen») for å styrkke område då det vart gjenerobra frå muslimane. Han låg strategisk til ved den gamle romarvegen Via Augusta, 65 km nord for byen València og nær byen Borriana, som på den tida var under muslimsk styre. Den opphavlege landsbyen, omgjeve av forsvarsmurar, vart utvida på 1300-talet.

På 1500-talet vart jordbruksområda rundt utvida og utvikla ved at det vart bora brønnar og at tørt land vart omgjort til irrigerte sletter. Dette gjorde det mogeleg å starte kommersiell landbruk på 1600-talet. Byen gjekk inn på den tapande sida i den spanske arvefølgjekrigen. På den andre halvdel av 1700-talet vart dei første industriane oppretta, hovudsakleg innan tekstilindustrien. I denne perioden vart byen involvert i fleire opprør og krigar som råka Spania.

På 1800-talet starta ein dyrking og handel med appelsiner, og dette førte til økonomiske oppgangstider i byen. Etter den spanske borgarkrigen i 1930-åra gjorde inntektene frå appelsinhandelen at ein kunne byggje ein fabrikk som produserte keramikkheller.

Fotballklubben til byen, Villarreal CF, gjorde historie då dei nådde semifinalen i Champions League i 2006.