Waikato District
| Waikato District | |
 |
|
| Folketal: | 43 959 (ved folketeljinga i 2006) |
| Største by: | Ngaruawahia |
| Andre byar: | Huntly, Raglan, Te Kauwhata, Taupiri |
| Territorial Authority | |
|---|---|
| Namn: | Waikato District Council |
| Leiar: | Peter Harris |
| Utbreiing: | Haurakigolfen til (men ikkje medrekna) Hamilton City,
Tasmanhavet til Tamahere |
| Areal: | 3 188,89 km² |
| Heimeside: | http://www.waikatodistrict.govt.nz |
| Sjå òg: | Hamilton City, Waipa District |
| Regionstyre | |
| Namn: | Environment Waikato (Horizons Regional Council) |
| Heimeside: | http://www.ew.govt.nz |
Waikato District ligg i den nordlege delen av regionen Waikato på Nordøya på New Zealand. Distriktet er administrert av Waikato District Council, med sete i Ngaruawahia.
Distriktet ligg nord og vest for byen Hamilton, og omfattar mykje av den nordlege delen av slettelandskapet Waikato Plains, og også høgdedraga Hakarimata ved kysten. I den nordlege delen av distriktet ligg sumplandskapet inntil elva Waikato River, og fleire mindre innsjøar, den største av desse er Lake Waikare.
Utanom Ngaruawahia er dei viktigaste sentra i distriktet Huntly, Raglan og Te Kauwhata. Hovudnæringsvegane i distriktet er mjølkeproduksjon, skogbruk og kolgruvedrift. Der er eit større kolfyrt kraftverk ved Huntly. Te Kauwhata ligg i sentrum av eit større vindistrikt.
Distriktet hadde eit folketal på 43 959 ved folketeljinga i 2006. Av desse budde 6834 i Huntly, 5106 inNgaruawahia, 2637 i Raglan og 1294 i Te Kauwhata.
Bakgrunnsstoff [endre]
- Denne artikkelen bygger på «Waikato District» frå Wikipedia på engelsk, den 27. januar 2009.
