Wald Drageseth

Wald Drageseth
Statsborgarskap	Noreg
Fødd	22. mars 1920
Død	27. august 1994 (74 år)

Wald Drageseth (22. mars 1920–27. august 1994) var ein norsk industrimann, hotellmann og politikar frå Selje i Nordfjord.

Av utdanning hadde han metallfagskulen i Førde og handelskule på Nordfjordeid. Etter å ha vore driftsleiar på Rekord Skjortefabrikk på Gjøvik eit par år, flytte han i 1946 heim til Selje og starta Selje Skjortefabrikk. Han starta opp i kjellaren i barndomsheimen. I 1948 flytte fabrikken inn nybygg. I 1960 var det 90 arbeidarar ved fabrikken.

Saman med broren Asbjørn starta Wald Drageseth Selje Bruk AS i 1960. Her vart det produsert plastbåtar.

Wald Drageseth starta i 1975 Selje Hotell, i eit nybygg med 30 gjesterom.

Då broren overtok Selje Bruk i 1976, Starta Wald Selje Plastindustri, der det og vart produsert båtar.

Wald Drageseth sat i Selje kommunestyre 1953-1967. Han var formann i Nordfjord kommunikasjonsnemnd, og stod sentralt i arbeidet for ny Strynefjellsveg og for flyplassen på Sandane.

Wald Drageseth fekk Kongens fortenestmedalje i gull i 1984.

Kjelder

• Harald Kjølås: «Eventyret i Selje» i 100 år 100 navn. Personer som har preget Nordvestlandet. Sunnmørsposten Forlag 2000