Western Bay of Plenty District

Frå Wikipedia – det frie oppslagsverket
Western Bay of Plenty District
Land  New Zealand
Areal 2 120,675 km²
Folketal 51 321 (6. mars 2018)[1]
Kart
Western Bay of Plenty District
37°47′24″ S 176°0′14″ E

Western Bay of Plenty District Council er eit distrikt i regionen Bay of PlentyNew Zealand. Administrasjonssenteret til distriktet ligg i Greerton i Tauranga City (som er eit eige område, og som ikkje ligg i distriktet). Distriktet omkransar Tauranga City, og omfattar Matakana Island, ved innløpet til Tauranga Harbour.

Distriktet vart til etter lokalstyrereformene i 1989 der dei gamle områda Tauranga County og Te Puke Borough vart slegne saman med mindre grensejusteringar. Dei største endringane var i nordaust, der Waihi Beach vart overført til distriktet frå det gamle Ohinemuri County, og i nærleiken av Tauranga City, der noko av omlandet som tidlegare hadde høyrt til landdistriktet, vart overført til byen.

Distriktet er delt inn i fem wards (som mellom anna tener som valkrinsar ved val til distriktsstyret), desse er Waihi Beach, Katikati, Kaimai, Te Puke og Maketu.

Demografi[endre | endre wikiteksten]

Distriktet hadde eit estimert folketal på 44 400 i juni 2008. Ved folketeljinga i 2006 var 16% av populasjonen maoriar. Av innbyggjarane budde då 1 773 i Waihi Beach, 3 579 i Katikati og 7 080 i Te Puke. Arealet til distriktet er 2 120,675 km².

Kjelder[endre | endre wikiteksten]

Bakgrunnsstoff[endre | endre wikiteksten]

Commons har multimedium som gjeld: Western Bay of Plenty District
Spire Denne geografiartikkelen som har med New Zealand å gjere, er ei spire. Du kan hjelpe Nynorsk Wikipedia gjennom å utvide han.