Wikipedia:Vekas artikkel/Veke 43, 2008

Frå Wikipedia – det frie oppslagsverket

Viaduc de Millau er den høgaste skråstagbrua i verda og ligg ved Millau i Frankrike. Brua er 343 meter høg på det høgaste punktet og trafikken kjører på det meste 270 meter over elva. Brua vart opna i 2004. Brua er bygd av sju slanke pilarar som ber den nesten 2,5 km lange brua over dalen i Millau. Arkitekten bak brua, Norman Foster, er òg mannen bak Millennium Bridge og Swiss Re-bygningen ('Sylteagurken') i London.

Frå nesten alle stader i Millau kan ein sjå dei enorme pilarane reise seg til himmels nokre kilometer vest for byen. Det raskaste og billegaste sambandet mellom Paris og Middelhavet går no via Millau og den nye brua. I tillegg til at byen er kvitt mykje forstyrrande gjennomgangstrafikk har byen òg skaffa seg ein stor turistattraksjon. Les meir…