With a Little Help from My Friends

Frå Wikipedia – det frie oppslagsverket
Gå til: navigering, søk

What would you think if I sang out of tune,
Would you stand up and walk out on me.
Lend me your ears and I’ll sing you a song,
And I’ll try not to sing out of key.

«With a Little Help from My Friends» er ein song skriven av John Lennon og Paul McCartney, og gjeve ut på The Beatles-albumet Sgt. Pepper’s Lonely Hearts Club Band i 1967. Songen vart skriven for og sunge av trommeslagar i Beatles, Ringo Starr.

Opphav[endre | endre wikiteksten]

Lennon og McCartney skreiv songen ferdig i midten av mars 1967[1] for at Starr skulle få ein song på albumet. Han vart ei kort stund kalla «Bad Finger Boogie» (seinare inspirasjon for bandnamnet Badfinger[2]), visstnok fordi Lennon skreiv songen på piano ved hjelp av langefingeren etter at peikefingeren var skadd.

Lennon og McCartney skreiv med vilje songen innanfor eit avgrensa register - bortsett frå den siste tonen, som McCartney arbeidde med Starr for å oppnå.

Starr insisterte på å endre teksten i den første linja som opphavleg var «What would you do if I sang out of tune? Would you throw ripe tomatoes at me?» Dette kom av at han var redd fansen ville kaste tomatar på han om han skulle spele songen på konsertar. Tidlegare hadde George Harrison nemnt at han likte seigmenn, og mange kasta slike på bandet under konsertane deira.[3]

Bandet starta innspelinga av songen same dag som dei tok bileta for omslaget til Sgt. Pepper, 30. mars 1967.

Rolling Stone plasserte songen på 304. plass på lista deira over dei 500 største songane gjennom tidene.

Andre utgåver[endre | endre wikiteksten]

With a Little Help from My Friends
singel av Joe Cocker
frå albumet With a Little Help from My Friends
B-side Something’s Coming On
Utgjeve Oktober 1968
Sjanger Rock/Blues
Lengd 5:11
Selskap Polydor
Joe Cocker-kronologi
With a Little Help from My Friends «Delta Lady»
(1969)

Songen har vore øvst på den britiske singellista tre gonger. Ein gong då han vart spelt inn av Joe Cocker i 1968, ein andre gong med Wet Wet Wet i 1988 og til slutt då han vart sungen av Sam and Mark i 2004. Cocker syng ein versjon av songen på Woodstock i 1969 og denne er med i dokumentarfilmen om konserten, 3 Days of Peace og Music. I 1976 spelte Jeff Lynne frå ELO inn ein versjon av songen.

Joe Cocker si utgåve er radikalt omarrangert med mykje lågare tempo i 6/8-takt og med forskjellige akkordar i mellomapartiet og eit lengre instrumentalparti i starten (med gitar frå Jimmy Page). Denne versjonen har vorte ein av Joe Cocker sine mest kjende songar. I Noreg låg singelen til Cocker 8 veker på VG-lista Topp 10, men kom aldri høgare enn femte plass.

Wet Wet Wet si utgåve kom ut 9. mai 1988 og låg fire veker på toppen av den britiske singellista.

Bakgrunnsstoff[endre | endre wikiteksten]

Kjelder[endre | endre wikiteksten]

  1. Dowlding, William J., Beatlesongs (New York: Simon og Schuster, Inc., 1989, ISBN 0-671-68229-6), s. 165
  2. I følgje Neil Aspinall. Matovina, Dan: Without You: The Tragic Story of Badfinger, Google Books, 2000. Vitja 8. februar 2009
  3. The Beatles, Anthology, s. 242