Woodbridge i Suffolk
|
Woodbridge | ||
|---|---|---|
 | ||
| Plassering | ||
  | ||
| Styresmakter | ||
| Land |  Storbritannia
| |
| Konstituerande land |  England
| |
| Grevskap | Suffolk | |
| Distrikt | Suffolk Coastal | |
| Geografi | ||
| Innbyggjarar - By (2001) |
10 956 | |
| Koordinatar | 52°6′N 1°19′E / 52.100°N 1.317°E | |
| Diverse annan informasjon | ||
| Postnummer | IP12 | |
| Telefon-retningsnummer | 0 1394 | |
Woodbridge er ein by i Suffolk i England. Han er administrasjonssenter for distriktet Suffolk Coastal, og ligg ved elva Deben. Sjølve byen har omkring 7500 innbyggjarar (2005), men fleire landsbyar blir rekna med i byområdet slik at det offisielle talet ligg på rundt 11 000.
Woodbridge stasjon betener East Suffolk Line mellom Ipswich og Lowestoft.
Byen har sidan mellomalderen vore eit senter for båtbygging, rep- og seglmakeri. Både Edvard III og Francis Drake fekk bygd krigsskip i Woodbridge.
Woodbridge har bygningar frå tudortida, georgiansk tid, regencyperioden og viktoriansk tid. Han har òg ein av dei eldste kjende tidevassmøllene i landet, som er ein av berre fire i Storbritannia som har vorte verna og restaurert. Han er først dokumentert i 1170, då han vart driven av augustinarkannikar. I 1536 vart han teke over av Henrik VIII då kyrkjeleg gods vart inndrege, og i 1564 gav Elizabeth I han til Thomas Seckford. Han grunnla Woodbridge School og Seckford almissehus i 1577, for å hjelpe byen sin fattige.
Rett utanfor Woodbridge ligg Sutton Hoo, ein av dei rikaste funnstadene frå angelsaksisk tid.
Den såkalla Rendlesham Forest-hendinga fann stad nær Woodbridge. Det vart hevda at eit romfartøy hadde landa i skogen utanfor byen, noko som vart benekta av styresmaktene. Hendinga har vorte samanlikna med Roswell-hendinga i USA.
Ifølgje ein lokal tradisjon er vegen frå elva til toppen av Drybridge Hill den som The Grand Old Duke of York gjekk opp i ein kjend barnesong.
Kjelder[endre | endre wikiteksten]
- Denne artikkelen bygger på «Woodbridge (Suffolk)» frå Wikipedia på bokmål, den 18. juli 2011.