Yuki Abe

阿部 勇樹
Yuki Abe

Personleg informasjon
Namn	Yuki Abe (japansk: 阿部 勇樹)
Fødselsdato	6. september 1981
Fødestad	Ichikawa i Japan
Høgd	177 cm
Posisjon	Midtbane, forsvar
Klubbinformasjon
Spelar for	Leicester City
Draktnummer	22
Ungdomsklubb
1994-98	JEF United Ichihara Chiba
Klubbar*
År	Klubb	Kampar (mål)
1998-2006 2007-10 2010-	JEF Chiba Urawa Leicester	214 (36) 120 (14) 0 (0)
Landslag**
2002-04 2005-	Japan U23 Japan	13 (3) 49 (3)
* Klubbkampar og mål i nasjonal liga   er sist oppdatert 21. august 2010. ** Landskampar og mål er sist oppdatert 29. juni 2010.

Yuki Abe (fødd 6. september 1981 i Ichikawa i Chiba-prefekturet) er ein japansk fotballspelar som spelar for Leicester City i engelsk Football League Championship, og for det japanske landslaget.

Abe debuterte som proffspelar for JEF United Ichihara 5. august 1998, 16 år og 333 dagar gammal, og vart dermed den yngste spelaren som til då hadde spelt i J-ligaen. Han vart seinare kaptein for klubben, og leia han til siger i J-ligacupen i 2005 og 2006. 22. januar 2007 gjekk han over til Urawa Red Diamonds for om lag 3 millionar USD, ein rekordstor overgangssum for ein japansk spelar frå ein japansk klubb til ein annan. Med Urawa var han med på å vinna den asiatiske meisterligaen i 2007, då han skåra eit mål i finalen.

Abe debuterte for Japan sitt A-landslag 29. januar 2005 i ein vennskapskamp mot Kasakhstan. Han skåra det første landslagsmålet sitt 6. september 2006 mot Jemen. Han var ikkje med i Japan sin tropp til fotball-VM i 2006, men vart fast på landslaget etter at den tidlegare klubbtrenarena hans, Ivica Osim, tok over som landslagstrenar etter VM.

Denne artikkelen begynte med ei omsetjing frå engelsk wikipedia 11. mai 2010.