Zermatt

I juni er Matterhorn framleis dekt med snø, mens det er vår i Zermatt.

Zermatt er ein kommune i distriktet Visp i kantonen Valais sør i Sveits. Kommunen har eit areal på 242,7 km², og hadde 5 720 innbyggarar i 2010. Zermatt ligg øvst i Mattertal, på nordsida av Matterhorn. Landsbykyrkja ligg 1 608 meter over havet.

Zermatt er ein svært kjend ski- og turiststad. Landsbyen er bilfri, sjølv om ein får løyve til å ha motorkøyrety av det kantonale politiet. Generelt sett er det fastbuande som får lov til dette. Dei fleste som besøker Zermatt kjem med tog frå Täsch eller Visp.

Zermatt er utgangspunkt for mange vandreturar i Alpane.

Skirennaren Max Julen er frå Zermatt.

Bakgrunnsstoff

• Zermatt si offisielle nettside
• Fotogalleri over Zermatt
• Fotos Zermatt

Commons har multimedia som gjeld: Zermatt