Jarle Bondevik

Frå Wikipedia – det frie oppslagsverket
Jarle Bondevik
Statsborgarskap Noreg
Fødd 29. juni 1934
Sogndal kommune
Død

4. april 2016 (81 år)

Yrke lingvist, filolog

Jarle Bondevik (29. juni 19344. april 2016) var ein norsk språkforskar, fødd i Sogndal. Han var professor i norsk språk og språkhistorie og ytte særleg viktige faglege bidrag om utviklingstrekk i nynorsk bibelmål.

Liv og gjerning[endre | endre wikiteksten]

Bondevik tok examen artium ved landsgymnaset i Voss, før han vart cand.philol. ved Universitetet i Bergen i 1961. Faga var historie og tysk, før han avslutta med nordisk hovudfag i Bergen i 1961. Bondevik skreiv hovudoppgåva si om stadnamn frå Sogndal. Han arbeidde som lektor ved Universitetet i Århus frå 1961 til 1963, og ved lærarskulen i Bergen frå 1963 til 1972. I 1972 vart han tilsett ved Universitetet i Bergen. Ved same institusjonen vart han dr.philos i 1988, og i 1993 vart han professor. Frå 1991 til 1999 var han ogso assisterande professor ved Høgskulen i Volda.[1]

Studiar i det nynorske bibelmålet. Morfologi og ordtilfang» var namnet på doktorarbeidet hans, som kom i 1985. I 2003 publiserte han «Og ordet vart nynorsk», som viser framvoksteren av nynorsk som bibelmål. Han har òg gjennom mange år forska på det eldre landsmålet og på dialektar, og i 1990 skreiv han om «Modalsmålet» i Bygdebok for Modalen.

Bondevik var medlem i Språkrådet 1988-1995. Saman med Oddvar Nes og Terje Aarset tok han i 1991 initiativet til Ivar Aasen-selskapet. Gjennom eit tidsrom på nærare 20 år fekk dei publisert ti band med uprenta materiale av Ivar Aasen.[1]

I avisa 'Dag og Tid' av 8. april 2016 skriv Anders Aschim om Bondevik at «[h]an var den fremste kjennaren av det nynorske bibelspråket gjennom tidene».

Bibliografi[endre | endre wikiteksten]

Bøker[endre | endre wikiteksten]

  • 1976 – Kva er målreising? : ei artikkelsamling (Bergen: Norsk bokreidingslag). ISBN 8290186061 I fulltekst ved nb.no  [Av Gustav Indrebø ; redigert av Jarle Bondevik og Oddvar Nes]
  • 1991 – Djup fjord og høg himmel : festskrift til Anders Ohnstad på 80-årsdagen 27. juni 1991 (Bergen: Norsk Bokreidingslag). ISBN 8290186797 I fulltekst ved nb.no  [Redaktørar: Jarle Bondevik og Andreas Bjørkum]
  • 1992 – Sunnmørsgrammatikkane (Bergen: Norsk bokreidingslag). ISBN 82-90186-82-7  [Av Ivar Aasen ; redigert av Terje Aarset, Jarle Bondevik, Oddvar Nes]
  • 1997 – Målsamlingar 1855-1861 (Bergen: Norsk bokreidingslag). ISBN 82-7834-021-8  [Av Ivar Aasen ; redigert av Terje Aarset, Jarle Bondevik, Oddvar Nes]
  • 1997 – Målsamlingar frå Christiansands og Agershuus Stifter (Bergen: Norsk bokreidingslag). ISBN 82-7834-007-2 I fulltekst ved nb.no  [Av Ivar Aasen ; redigert av Terje Aarset, Jarle Bondevik, Oddvar Nes]
  • 1998 – Målsamlingar frå Trondhjems og Tromsø Stifter (Bergen: Norsk bokreidingslag). ISBN 82-7834-009-9 I fulltekst ved nb.no  [Av Ivar Aasen ; redigert av Terje Aarset, Jarle Bondevik, Oddvar Nes]
  • 2002 – Målsamlingar 1862-1883 (Bergen: Norsk bokreidingslag). ISBN 82-7834-025-0  [Av Ivar Aasen ; redigert av Terje Aarset, Jarle Bondevik og Oddvar Nes]
  • 2003 – Og ordet vart nynorsk : soga åt den nynorske Bibelen (Bergen: Norsk bokreidingslag). ISBN 82-7834-027-7
  • 2006 – Namnesamlingar (Bergen: Norsk bokreidingslag). ISBN 8278340323  [Av Ivar Aasen ; redigert av Terje Aarset, Jarle Bondevik og Oddvar Nes]

I tidsskrift - eit utval[endre | endre wikiteksten]

Kjelder[endre | endre wikiteksten]

  1. 1,0 1,1 «Jarle Bondevik 70 år 29. juni». NRK. 9. Juni 2004. 

Bakgrunnsstoff[endre | endre wikiteksten]