Nikola Tesla

Nikola Tesla
Statsborgarskap	Keisardømet Austerrike, kongeriket Ungarn, USA
Fødd	10. juli 1856 Smiljan i Keiserdømmet Østerrike, dagens Kroatia
Død	7. januar 1943 (86 år) USA New York
Dødsårsak	Hjartefeil
Yrke	Oppfinnar, fysikar og ingeniør.
Språk	engelsk, fransk, tsjekkisk, ungarsk, tysk, latin, italiensk, kroatisk, serbisk
Medlem av	Serbias vitenskaps- og kunstakademi, Institute of Electrical and Electronics Engineers, Serbias vitenskaps- og kunstakademi
Religion	Den serbisk-ortodokse kirke
Far	Milutin Tesla
Mor	Đuka Tesla
Nikola Tesla på Commons

Nikola Tesla (kyrillisk: Никола Тесла) 10. juli 1856–7. januar 1943 var ein kroatisk fysikar, oppfinnar, mekanisk ingeniør, elektroingeniør og investor av serbisk opphav. Han vart fødd i Smiljan i Krajina, som den gongen var under Keisardømet Austerrike. I dag er dette ein del av Kroatia. Han var etnisk serbar og vart seinare amerikansk statsborgar. Tesla er best kjend for sine mange revolusjonerande bidrag til disiplinane elektrisitet og magnetisme mot slutten av det 19. hundreåret og byrjinga av det 20. Store delar av Tesla sine patent og teoretiske arbeid danna grunnlaget for moderne vekselstraumsteknikk, inkludert fleirfase distribusjonssystem og vekselstraumsmotoren. Moderne biografiar har døypt Tesla «mannen som fann opp det tjuande hundreåret» og «skytsengelen til moderne elektrisitet».

Etter å ha demonstrert radio i 1893 og vunne «straumkrigen» (mot Edison sin likestraum), var han vidkjend som Amerika sin fremste elektroingeniør. Mykje av dei tidlegare arbeida hans var pionérarbeid innanfor moderne elektroteknikk, og fleire av oppdagingane hans var banebrytande. I denne perioden kunne få oppfinnarar eller vitskapsmenn konkurrere med Tesla som den mest berømte i USA, men på grunn av sin eksentriske personlegdom og sine utrulege og tildels bisarre påstandar om mogelege vitskaplege og teknologiske gjennombrot, vart Tesla frossen ut og sett på som ein «galen vitskapsmann». Tesla var aldri særleg oppteken av pengar. Han døydde fattig 86 år gammal.

SI-eininga for magnetisk flukstettleik eller magnetisk induksjon (kjent som det magnetiske feltet $B\,$) heiter tesla og er kalla opp etter han (på Conférence Générale des Poids et Mesures, Paris, 1960).

Ved sida av arbeidet hans med elektroteknikk, vert det sagt at Tesla har bidrege i varierande grad til fagfelt som robotteknikk, fjernstyring, radar og datateknologi, og til utviding av ballistikk, kjernefysikk, og teoretisk fysikk. I 1943 tilkjende høgsterett i USA han æra som oppfinnaren av radioen. Mange av bidraga hans til vitskapen har (kontroversielt) vorte nytta som støtte for ulike pseudovitskapar, teoriar på kva UFO-ar er og tidleg new age-okkultisme. Tesla er høgt skatta i både Serbia og Kroatia, og dessutan det seinare heimlandet hans USA.

Links

• NikolaTesla.fr - More than 1,000 documents on Tesla
  Denne fysikkartikkelen er ei spire. Du kan hjelpe Nynorsk Wikipedia gjennom å utvide han.

Mal:Link FA Mal:Link FA