Ådalsfjella

Utsyn mot Ådalsfjella frå Soknedalen

Foto: Tom Bjørnstad

Ådalsfjella er ei mindre fjellkjede i Ringerike kommune som strekkjer seg nordover frå Skollerud i Ådal og Vælsvatna i Soknedalen til Vidalen i nordvest og Vassfarfoten på grensa mot Vassfaret og Sør-Aurdal i Oppland i nord. Fjellkjeda ligg mellom Sperillen i aust og Strømsoddbygda i Soknedalen i vest.

Ådalsfjella består av ei rekkje mindre toppar og fjell, med Vikerfjellmassivet som det største og høgaste. Gyranfisen (1127 moh.) er det høgaste punktet på Vikerfjell, med Treknatten (1101 moh.) i nord som det nest høgaste punktet.

Sør for Vikerfjell ligg òg Urdevassfjell (953 moh.) og Høgfjell (1 010 moh.). Sørvest for Høgfjellmassivet ligg Tjuenborgen (ei gammal bygdeborg).

Sjå òg

• Ådalsfjella (samleomgrep)
  • Vikerfjell
    • Gyranfisen
    • Treknatten
    • Svarttjernskollen
    • Vikerfjelltoppen
  • Kjølfjellet
  • Urdevassfjell
  • Høgfjell
    • Hestebrenna
    • Tjuvenborgen
      Denne geografiartikkelen som har med Viken å gjere, er ei spire. Du kan hjelpe Nynorsk Wikipedia gjennom å utvide han.