Øvre Egypt

Frå Wikipedia – det frie oppslagsverket
Hopp til navigering Hopp til søk
Kart over Nedre og Øvre Egypt.

Øvre Egypt (arabisk صعيد مصر Sa'id Misr) er ei smal landstripe som strekkjer seg frå kateraktgrensene i dagens Aswan til området mellom El-Aiyat og Zawyet Dahshur, sør for deagens Kairo. Den nordlege delen av Øvre Egypt, mellom El-Aiyat og Asyut vert stundom kalla Midtre Egypt. Dagens innbyggjarar i Øvre Egypt vert kalla sa'idiar og snakkar generelt aa'idi-arabisk.

Øvre Egypt vart kalla Ta Shemau[1] som tyder «siv-landet».[2] Det vart delt inn i 22 distrikt kalla nomer.[3] Den første nomen låg om lag der Aswan i dag ligg, og den 22. var dagens Atfih (Afroditopolis), like sør for Kairo.

Den største byen i det førdynastiske Øvre Egypt var Nekhen (gresk Hierakonpolis),[4] som hadde gribbegudinna Nekhbet som vernar.[5] I faraotida i Egypt var stort sett Theben det administrative senteret i Øvre Egypt. Etter at byen vart øydelagd av assyrarane vart området mindre viktig. Under Ptolemaios tok byen Ptolemais over rolla som hovudstaden i Øvre Egypt.[6] Øvre Egypt var representert ved den høge kvite krona Hedjet og symbolet til området var ein blømande lotus.

I dagens Egypt vart tittelen prins av Sa'id (som tyder prins av Øvre Egypt) nytta om tronarvingen til den egyptiske trona. Sjølv om det egyptiske monarkiet vart avskaffa i 1953, vert tittelen framleis nytta av Muhammad Ali av Said.

Sjå og[endre | endre wikiteksten]

Kjelder[endre | endre wikiteksten]

  1. Ermann & Grapow, op.cit. Wb 5, 227.4-14
  2. Ermann & Grapow, op.cit. Wb 4, 477.9-11
  3. The Encyclopedia Americana, s.34
  4. Bard, op. cit., s.371
  5. David, op.cit., s.149
  6. Chauveau, op.cit., s.68