Øya St. Ivan
St. Ivan | |||
øy | |||
Land | Bulgaria | ||
---|---|---|---|
Areal | 0,66 km² | ||
Folketal | 0 | ||
St. Ivan øy 42°26′19″N 27°41′34″E / 42.438611111111°N 27.692777777778°E | |||
Wikimedia Commons: St. Ivan Island |
St. Ivan øy (bulgarsk Свети Иван) er den største bulgarske øya i Svartehavet med eit areal på 0,66 km². Ho ligg nær Sozopol, ein by med ei rik historie og ein populær turiststad, og berre eit par meter frå naboøya St. Peter øy.
St. Ivan er kjend for St. Johannes Kloster, som låg her på 1100- til 1300-talet. Kyrkja til klosteret ligg på sørsida av øya og har same namn som klosteret ((Ivan er den bulgarske utgåva av namnet Johannes (eller John)). Kyrkja vart bygd i 1263.
I 1985 vart det starta arkeologiske utgravingar på øya, og i dag kan ein sjå restane etter to kyrkjer, ein kongeleg residens, eit bibliotek, delar av ein festningsmur med ein port og fleire munkeceller.
I 1884 vart det bygd eit fyr på øya av franske ingeniørar, som peikar utover Burgasbukta, og som framleis er bevart. Restane av eit gamalt romersk fyr frå det 1. hundreåret er òg funne på same stad.
Øya er òg eit naturreservat der 72 forskjellige fugleartar, som hekkar på berga på og rundt kysten. Tre av desse er utryddingstrua på verdsbasis, medan 15 av dei er utryddingstrua i Europa. St. Ivan er òg busett av andre sjeldne dyreartar, som munkselar. Berga på øya er dekte av svarte blåskjel.
Kjelder
[endre | endre wikiteksten]- Denne artikkelen bygger på «St. Ivan Island» frå Wikipedia på engelsk, den 27. februar 2007.
Denne artikkelen treng referansar for verifikasjon. |