24-timarsløpet i Le Mans
24-timarsløpet i Le Mans er eit motorsportløp som vert halde årleg i byen Le Mans i Frankrike, heilt sidan 1923. Løpet vert organisert av Automobile Club de l'Ouest og varar i 24 timar i strekk. Ein konkurrerer i 4 klassar: Le Mans Prototypes 1 og 2, som er særbygde sportsvognprototypar og 2 GT-klassar for produksjonsbaserte sportsbilar.
Den mestvinnande føraren i 24-timarsløpet er dansken Tom Kristensen, som har vunne løpet 8 gongar.
Bana
[endre | endre wikiteksten]Løpet er særleg kjend av di størstedelen av den ca 13 km lange bana til dagleg er offentleg veg.
Mest kjend er "Hunaudieres" langstrekket på baksida av bana – ofte omtalt som "Mulsanne-raka" (Mulsanne-strait") – ettersom dette er vegen mellom Le Mans by og landsbyen Mulsanne. Fartsrekorden på Hunaudieres er på over 400 km/t. I dag går det noko saktare på denne langsida som har fått to sjikaner som skal senke farten.
Le Mans på film
[endre | endre wikiteksten]24-timarsløpet i Le Mans har vore «hovudpersonen» i filmar to gonger:
I 1971 kom filmen Le Mans som vart laga av Steve McQueen. Filmen har lite handling utanom bilkøyringa, men den er til gjengjeld spektakulær. Filmen vart laga delvis under løpet i 1970, og delvis under løpet året etter.
I 2003 kom Michel Valliant, ei filmatisering av teikneserien med same namn. I Noreg gjekk filmen rett på DVD. Filminga er gjort under løpet i 2002, der produsentane fekk lov til å filme om dei utvida pitlane. Frå 2002 er det difor 50 plassar i løpet og ikkje berre 48 som tidlegare. Dessutan måtte sjåførane som skulle vere med å filme under løpet, kvalifisere seg på vanleg måte. Bilane som vert køyrd av hovudpersonane er Courage C60 (Valliant), og Panoz LM (Leader).
Vinnarar
[endre | endre wikiteksten]
.jpg)
Merknadar
[endre | endre wikiteksten]- ↑ Løpet vart ikkje arrangert desse åra, på grunn av andre verdskrigen og gjenoppbygginga i ettertid.
- ↑ Fransk arbeidarstreik
Bakgrunnsstoff
[endre | endre wikiteksten]- 24 Heures du Mans, offisiell nettstad Arkivert 2009-09-18 ved Wayback Machine.