6899 til eg dør

Frå Wikipedia – det frie oppslagsverket

6899 til eg dør er ein underhaldande norsk dokumentarserie frå 2023 om artisten Kjartan Lauritzen, mindre kjent som Per Áki Sigurdsson Kvikne, som impulskjøper eit hotell i barndomsbygda Balestrand.[1]

Per kjøper Balestrand hotell saman med kjærasten sin Randi Sognnæs Aamot og storebroren sin Theodor Sigurdsson Kvikne, og dei har som mål å gjere den idylliske, men litt kjedelege heimbygda ved Sognefjorden attraktiv for unge.[2]

Utfordringa er at hotellet opnar samtidig som Per skal ut på sin viktigaste turné nokon sinne, dei har planar om å lage ein stor musikkfestival i hotellhagen og i tillegg eig og driv dei esportklubben 777 Esport som dei håpar skal vinne Telialigaen. Dei unge hotelleigarane får raskt kjenne på det store ansvaret og den enorme jobben dei har tatt på seg.

Serien handlar om kjærleik, venskap, musikk og å satse mykje for å fylgje draumen.[3]

Serien er utvikla og produsert av NRK Vest og hadde premiere 9. mai 2023.

Tittelen[endre | endre wikiteksten]

Tittelen til programmet viser til ein av Kjartan Lauritzen sine låtar «6899/punk brother/telefon» og verselinja «6899 til eg dør Balestrand er for all tid det eg blør alt det som eg ville før, det er det eg gjer no, store draumar kom til meg på SFO.»

Episodar[endre | endre wikiteksten]

# Tittel Vises første gang Episodelengde
1. episode «Gå Kjartan» 9.mai 2023 30 min
2. episode «Få det på» 9.mai 2023 30 min
3. episode «Million» 9.mai 2023 30 min
4. episode «Drift» 9.mai 2023 30 min
5. episode «La meg vere i fred» 9.mai 2023 30 min
6. episode «Superhelt» 9.mai 2023 30 min
7. episode «Fredag» 9.mai 2023 30 min

Episodeskildringar[endre | endre wikiteksten]

«Gå Kjartan»[endre | endre wikiteksten]

Hotellet som Kjartan, kjærasten og broren har kjøpt treng eit lag maling, for å seie det mildt. Synd at Kjartan ikkje er så praktisk, då.

«Få det på»[endre | endre wikiteksten]

Hotellet står på hovudet, Kjartan har sagt ja til spelejobb, og no kjem dei første gjestane. Heldiggrisen Randi.

«Million»[endre | endre wikiteksten]

Theodor har tre fulltidsjobbar, Randi må seie hadet til tannlegejobben og Per blir trivselsminister.

«Drift»[endre | endre wikiteksten]

Opningsfest og kvardag – og verdens mest motvillige bartender; Kjartan Eau de Vie Lauritzen.

«La meg vere i fred»[endre | endre wikiteksten]

Kjartan skal snart ut på sin største turné. Han må berre lage litt ny musikk og drive hotellet og seg sjølv til vanvidd først.

«Superhelt»[endre | endre wikiteksten]

Kjartan bur på jobben, som han ikkje skal jobbe på. Der ser han på Randi som jobbar dag og natt. Sikkert bra for forholdet.

«Fredag»[endre | endre wikiteksten]

Balestrand er ikkje kult. Skal det bli det, må festivalen i hotellhagen bli ein suksess. Men har nokon av dei laga festival før? Nei.

Kjelder[endre | endre wikiteksten]

  1. Franck, Tuva Mathilde Løland, Cecilie (29. april 2022), «Kjartan Lauritzen om det mystiske hotellkjøpet: – Gjorde det som måtte gjøres», Nettavisen (på norsk), henta 9. mai 2023 
  2. Løland, Philip Haglund, Tuva Mathilde (23. oktober 2022), «Kjartan Lauritzen flyttet hjem for å viderføre familiearven: Det ble en suksess for bygda», Nettavisen (på norsk), henta 9. mai 2023 
  3. Reistad, Linda (18. april 2023), «Ny serie: 6899 til eg dør», NRK, henta 9. mai 2023 

Bakgrunnsstoff[endre | endre wikiteksten]