A Short Hike
| A Short Hike | |||
 | |||
| Utviklar(ar) | adamgryu | ||
|---|---|---|---|
| Utgjevar(ar) | adamgryu | ||
| Distributør | Steam, itch.io, Epic Games Store, GOG.com, Nintendo eShop, PlayStation Store, Microsoft Store | ||
| Design(ar) | Adam Robinson-Yu | ||
| Komponist(ar) | Mark Sparling | ||
| Spelmotor | Unity | ||
| Siste versjon | 1.8.14 | ||
| Plattform(er) | Microsoft Windows MacOS Linux Nintendo Switch PlayStation 4 Xbox One | ||
| Utgjeving | Windows, macOS, Linux 30. juli 2019 Nintendo Switch 16. november 2021 | ||
| Sjanger | Eventyr | ||
| Spelemodus | Einspelar | ||
| Aldersgrense | PEGI 3 | ||
| Nettstad | https://ashorthike.com/ | ||
A Short Hike er eit eventyrspel utvikla og utgjeve av den kanadiske programmeraren Adam Robinson-Yu (også kjend som adamgryu). Det har ei open verd som spelaren kan utforske der målsettinga er å klatre opp til toppen av eit fjell for å få mobildekning. Spelet vart utgjeve til Microsoft Windows, macOS og Linux i juli 2019, til Nintendo Switch i august 2020 og til PlayStation 4 og Xbox One i november 2021.[1]
A Short Hike fekk positiv mottaking frå kritikarar, som roste den avslappa spelestilen, fridomen til å utforske og flygemekanikkane.[2][3] Det vann Seumas McNally Grand Prize under Independent Games Festival i 2020.
Spelemekanikkar
[endre | endre wikiteksten]
Spelaren kontrollerer den antropomorfe fuglen Claire som utforskar ein park på ei øy som fungerer som ei open verd. Ho kan mellom anna jogge, klatre, symje og segle gjennom lufta.[4] For å greie å kome til toppen av fjellet sentralt på øya, må spelaren finne eller kjøpe gylne fjører som lèt ein gjere ekstra byks i lufta og klatre på steinete overflater.[5] Ifølgje eit skilt på vegen til fjelltoppen, kan ein greie å kome seg til tops med berre sju gylne fjører. Når spelaren har kome seg til toppen av fjellet, kan ein halde fram med å utforske parken og ta del i sideaktivitetar etter eige ønske.[6]
Verda i spelet er folkesett med andre antropomorfe dyr, som tilbyr sideoppdrag og aktivitetar som fisking, leiting etter ting som er mista eller renning om kapp. Løna for å greie desse aktivitetane er ofte ting som gjer det lettare å utforske parken, som joggesko eller eit kompass. Spelaren kan òg samle skjel, pinnar, myntar og andre emne for å greie sideoppdraga.
Spelet har eit adaptivt lydspor som endrar seg etter tilhøva i spelet, til dømes om vêret endrar seg eller om spelaren flyg.[4] Det har òg eit dynamisk kamera utvikla med Unity-verktøyet Cinemachine.[7]
Kjelder
[endre | endre wikiteksten]- ↑ «A Short Hike steps forth onto PlayStation and Xbox next week». Eurogamer. 13. november 2021. Henta 18. november 2021.
- ↑ «A Short Hike Review». Nintendo Life. 29. august 2020. Henta 17. oktober 2020.
- ↑ «A Short Hike review - dreamy brilliance». Eurogamer. 12. august 2019. Henta 17. oktober 2020.
- ↑ 4,0 4,1 Vania, Cathlyn (17. januar 2020). «A Short Hike review». Adventure Gamers. Henta 17. mars 2020.
- ↑ Reynolds, Matthew (23. desember 2019). «Games of the Year 2019: A Short Hike is a love letter to one of the most satisfying things in games». Eurogamer. Henta 17. mars 2020.
- ↑ Moore, D. M. (18. august 2019). «A Short Hike is one part Animal Crossing and one part Breath of the Wild». The Verge (på engelsk). Henta 27. november 2020.
- ↑ Robinson-Yu, Adam (27. mars 2020). Crafting A Tiny Open World: A Short Hike Postmortem (Speech). Game Developers Conference. I tidsintervallet 11.25–11.40.
