Aagot Noss

Frå Wikipedia – det frie oppslagsverket
Hopp til navigering Hopp til søk
Aagot Noss
Aagot Noss.jpg
Fødd 9. oktober 1924
Død

5. april 2015

Yrke etnolog

Aagot Noss (fødd 9. oktober 1924 i Ål i Hallingdal, død 5. april 2015)[1] var ein norsk tradisjonsforskar og museumskonservator.

Aagot Noss byrja i 1956 å arbeide ved drakt- og tekstilavdelinga på Norsk Folkemuseum, og byrja då å kartleggje fakta om norske drakttradisjonar. Dette førte til ein god del reising landet rundt for å hente inn informasjon frå folk som var kjende med eldre klestradisjonar. Ho var ei tid i Valle og Bykle i Setesdal for å dokumentere ein klestradisjon som hadde vore ubroten frå mellomalderen fram til moderne tid. Frå 1972 arbeidde Aagot Noss som førstekonservator i Norsk Folkemuseum. Ho gjekk av med pensjon i 1994.

Bibliografi[endre | endre wikiteksten]

Aagot Noss har gjennom alle åra ho har vore knytt til Norsk Folkemuseum skrive fleire artiklar i årboka til institusjonen, By og Bygd. Nokre av desse har sidan vorte trykt opp som særtrykk. Dessutan har ho skrive eller vore med på å skrive ei rekkje utstillingskatalogar. Ho står òg bak fleire filmar som Norsk Folkemuseum har produsert.

Prisar[endre | endre wikiteksten]

Aagot Noss har motteke fleire prisar for det omfattande arbeidet sitt, mellom anna Kongens fortenestemedalje i gull i 1994. Ho vart i 2002 utnemnd til riddar av 1. klasse av Den Kongelige Norske St. Olavs Orden.

  • 1986 «Kungliga Gustav Adolfs Akademiens pris» for grundläggande forskningar rörande folkdräktens historia i Norge.
  • 1994 Kongens fortenestmedalje i gull
  • 1994 Buskerud fylkes kulturpris
  • 2002 Riddar av 1. klasse av Den Kongelige Norske Sankt Olavs Orden
  • 2005 Æresmedlem av Norsk Folkemuseum
  • 2009 Sørlandets Kompetansefonds populærvitenskapelige pris for boka Stakkekelde i Setesdal - Byklaren og valldølen.
    Prisen var på 20.000 kroner og eit kunstfotografi av Olav Breen.

Kjelder[endre | endre wikiteksten]

  1. Aftenposten, papirutgåva 9. april 2015, nekrolog side 46