Acridotheres

Frå Wikipedia – det frie oppslagsverket
Hopp til navigering Hopp til søk
Acridotheres


Hyrdestare, Acridotheres tristis
Hyrdestare, Acridotheres tristis

Systematikk
Rike: Animalia
Rekkje: Chordata
Klasse: Aves
Orden: Passeriformes
Familie: Sturnidae
Slekt: Acridotheres
Artar
  • sjå teksten
  • Vitskapleg namn
    Acridotheres

    Acridotheres er ei biologisk slekt av starar, artar som på engelsk er kalla typiske døme på myna eller mynah, og er tropiske familiemedlemmer av Sturnidae. Denne slekta har representantar i tropisk Sør-Asia frå Iran aust til Sør-Kina og Indonesia. To artar har blitt innførte breitt andre stader. Hyrdestare har vorte introdusert til Sør-Afrika, Israel, Hawaii, Nord-Amerika, Australia og New Zealand, og krøllstare til Vancouver-regionen i British Columbia.

    Acridotheres-artar er generelt mørke eller lite iaugefallande fuglar med fløytetona rop som dei fleste andre starar; kjønna er like. Dei rører seg bortetter ved å gå heller enn å hoppe, og som andre starar har dei tilpassingar i skalle og muskulatur, som gjer fuglane i stand til å søkje med opne nebb. Acridotheres liknar Gracula-starar, som har store kvite eller gulbrune vengeflekker som er synlege i flukt, og nokre òg har nakne område på hovudet, men skil seg ved at berre fjørene på hovudet har glans, og undersida av kroppen har tendens til å vere bleikare. Dei nakne flekkene på hovudet er ulike i form og plassering. Acridotheres-starar er òg mykje meir bakkelevande enn Gracula.

    Dei har oppvisinga med bukking under kurtise, noko Gracula manglar. Dei legg einsfarga lyseblå egg.

    Fleire artar har fjørtoppar i panna som blir dekte med pollen når fuglane tar nektar frå blomar, det kan spele ei rolle i pollinering.

    Som dei fleste staren, er Acridotheres-artane ganske altetande, og tar frukt, nektar og insekt.

    Artslista[endre | endre wikiteksten]

    Acridotheres-starar i rekkjefølgje etter EBird/Clements Checklist v2018[1] med norske namn etter Norske navn på verdens fugler:[2]

    • Hyrdestare, Acridotheres tristis, Common Myna, Linné, 1766, (LC)
    • Landsbystare, Acridotheres ginginianus, Bank Myna, Latham, 1790, (LC)
    • Vinstare, Acridotheres burmannicus, Vinous-breasted Starling, Jerdon, 1862, (LC)
    • Svartvengstare, Acridotheres melanopterus, Black-winged Starling, Daudin, 1800, (CR)
    • Krattstare, Acridotheres fuscus, Jungle Myna, Wagler, 1827, (LC)
    • Javastare, Acridotheres javanicus, Javan Myna, Cabanis, 1851, (VU)
    • Grasstare, Acridotheres cinereus, Pale-bellied Myna, Bonaparte, 1850, (LC)
    • Kragestare, Acridotheres albocinctus, Collared Myna, Godwin-Austen & Walden, 1875, (LC)
    • Engstare, Acridotheres grandis, Great Myna, Moore, F, 1858, (LC)
    • Krøllstare, Acridotheres cristatellus, Crested Myna, Linné, 1758, (LC)

    Kjelder[endre | endre wikiteksten]

    • Feare, Chris & Craig, Adrian (1999): Starlings and Mynas. Princeton University Press. ISBN 0-7136-3961-X
    • Grimmett, Richard; Inskipp, Carol, Inskipp, Tim & Byers, Clive (1999): Birds of India, Pakistan, Nepal, Bangladesh, Bhutan, Sri Lanka, and the Maldives. Princeton University Press, Princeton, N.J.. ISBN 0-691-04910-6
    • Jønsson, Knud A. & Fjeldså, Jon (2006): A phylogenetic supertree of oscine passerine birds (Aves: Passeri). Zoologica Scripta 35(2): 149–186. doi::10.1111/j.1463-6409.2006.00221.x (HTML abstract)
    • Zuccon, Dario; Cibois, Anne; Pasquet, Eric & Ericson, Per G.P. (2006): Nuclear and mitochondrial sequence data reveal the major lineages of starlings, mynas and related taxa. Molecular Phylogenetics and Evolution 41(2): 333-344. doi:10.1016/j.ympev.2006.05.007 (HTML abstract)

    Fotnotar[endre | endre wikiteksten]

    1. Schulenberg T. S., M. J. Iliff, B.L. Sullivan, C. L. Wood, T. A. Fredericks, og D. Roberson (august 2018), eBird/Clements Checklist v2018 (CSV), Cornell Lab of Ornithology, henta 24. februar 2019 
    2. Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. med oppdateringar i 2017. Norsk Ornitologisk Forening sin nettstad (publisert 21.12.2017)

    Bakgrunnsstoff[endre | endre wikiteksten]

    Commons-logo.svg Wikimedia Commons har multimedia som gjeld: Acridotheres