Agaton Sax

Frå Wikipedia – det frie oppslagsverket

Agaton Sax er ein litterær figur som er hovudperson i den svenske bokserien med same namn, skriven av Nils-Olof Franzén. Agaton Sax er privatdetektiv og redaktør for Byköpingsposten i Byköping (norsk Småköpingsposten og Småköping). Han løyser sakene sine samtidig som han driv avisa i byen.

Andre tilbakevendande karakterar i forteljingane om den intelligente og språkgeniale Agaton Sax er den tafatte Overdetektivinspektør Joshua H Lispington ved Scotland Yard, den lokale politimannen Antonsson, skurkane Julius Mosca, Octopus P. Scott, Herr Gustafsson og Helvassa Gullan, og dessutan Agaton si tante Tilda, dachsen Tickie og den unike datamaskinen hans Tenkende August.

Bøkene kom fyrst ut ved Bonniers forlag i serien Önskedeckarna, under Bonniers Juniorböcker. Illustrasjonane var laga av Åke Lewerth frå byrjinga.

Den siste boka, Agaton Sax och den mörklagda ljusmaskinen, blei skriven på førespurnad frå det engelske forlaget til Nils-Olof Franzén, som hadde hatt suksess med bøkene i omsetjing der. Bøkene blei då illustrert av Quentin Blake.

Utgitte bøker[endre | endre wikiteksten]

  • Agaton Sax klipper till (1955)
  • Agaton Sax och den ljudlösa sprängämnesligan (1956)
  • Agaton Sax och vita möss-mysteriet (1957)
  • Agaton Sax och de slipade diamanttjuvarna (1959)
  • Agaton Sax och det gamla pipskägget (1961)
  • Agaton Sax och Byköpings gästabud (1963)
  • Agaton Sax och bröderna Max (1965)
  • Agaton Sax och den bortkomne mr Lispington (1966)
  • Agaton Sax och de okontanta miljardärerna (1967)
  • Agaton Sax och den svällande rotmos-affären (1970)
  • Agaton Sax och den mörklagda ljusmaskinen (1978)

Filmatiseringar[endre | endre wikiteksten]

Den fyrste boka som blei filmatisert var Agaton Sax och bröderna Max som i 1972 blei ein animert TV-serie med same namn. Serien bestod av fire avsnitt på 20-minutt, og var laga av animasjonsstudioet Team Film.

Agaton Sax och Byköpings gästabud blei den fyrste heilt animerte langfilmen frå Sverige i 1976.

Samtidig som langfilmen blei vist på kino, sendte svensk TV ein animert TV-serie med same opphavsmann og skodespelarar. Agaton Sax-serien består av tre halvtimeslange avsnitt basert på bøkene Agaton Sax och den ljudlösa sprängämnesligan, Agaton Sax och det gamla pipskägget og Agaton Sax och den bortkomne mr Lispington (som i filmatisering fekk namnet Agaton Sax och kolossen på Rhodos).

Kjelder[endre | endre wikiteksten]

Bakgrunnsstoff[endre | endre wikiteksten]