Airlift

Eit Airlift-helikopter står parkert på Ørsta/Volda lufthamn, Hovden.

Airlift er eit norsk helikopterføretak som er basert på Førde lufthamn, Bringeland i Sunnfjord kommune. Det er i dag det leiande helikopterselskapet i Noreg. Airlift er eigd av Blueway, som igjen er eigd av Reiten & Co, Skogstad Corporate og Helicopter Transportation Group.

Om verksemda

Airlift har i dag ein flåte på 17 helikopter, og om lag 80 tilsette. I tillegg til hovudbasen på Bringeland, har Airlift basestasjonar i Kinsarvik og på Longyearbyen.

Verksemda vart skipa av Thorbjørn Lie i 1986 under namnet Eeg-Henriksen helikopter. Airlift tok over kontrakten med flyging for Sysselmannen på Svalbard frå Helikopterservice AS i 1996. I 1999 kjøpte dei opp Helikopterteneste AS, som var basert i Kinsarvik i Hardanger. Airlift hadde kontrakt med Rikstrygdeverket om luftambulanseflyging med helikopter fram til 2002, då Norsk luftambulanse tok over denne tenesta.

Ulukker

Airlift har ein lei ulukkesstatistikk. Dei har vore involvert i 9 ulukker i tidsrommet 1996 - 2011, der til saman 13 personar omkom. Den mest alvorlege Airlift-ulukka til no, er helikopterulukka ved Dalamot 2011, den 4. juli, då alle dei fem ombord omkom.

Kjelder

• «Airlift» i Store norske leksikon, snl.no., henta inn 11. februar 2011.
• Bokmålswikipedia om Airlift, henta inn 11. februar 2011.