Airto Moreira
| Airto Moreira | |||
 | |||
| Fødd | 5. august 1941 (82 år) | ||
|---|---|---|---|
| Fødestad | Itaiópolis | ||
| Opphav | Brasil | ||
| Aktiv | 1954– | ||
| Sjanger | jazz | ||
| Instrument | trommesett, vokal, Berimbau, Perkusjon | ||
| Plateselskap | Skye Records | ||
| Verka som | perkusjonist, jazzmusikar, komponist | ||
| Gift med | Flora Purim | ||
| Prisar | Rio Branco-ordenen | ||
Airto Moreira (fødd 5. august 1941) er ein brasiliansk perkusjonist som var sentral i danninga av fusionjazzen i 1970-åra.
Airto vart fødd i ein landsby i Brasil. Her han viste musikalsk talent frå ung alder, og som sekstenåring flytta han til Sao Paulo, der han opptredde på nattklubbar og TV-sendingar som vokalist, perkusjonist og trommeslagar. I 1967 reiste han til New York med kona si, vokalisten Flora Purim. I USA kom han raskt i kontakt med kjende musikarar som Canonball Adderley og Joe Zawinul. I 1970 var han med på innspelinga av Miles Davis sitt Bitches Brew-album, og han vart fast medlem i Davis sitt band i to år. Etterpå vart Airto med i den første utgåva av bandet Weather Report saman med Zawinul, Wayne Shorter, Miroslav Vitous og Alphonse Mouzon. Han spelte inn ei plate med bandet før han byrja i Chick Corea sitt band Return to Forever saman med Purim. Både Weather Report og Return to Forever vart vidgjetne band, noko som stadfestar Airto si sentrale rolle i utviklinga av fusionsjangeren.
Saman med Purim starta Airto i 1974 bandet Fingers. Dette var hans første forsøk som bandleiar for eit band i USA. Sidan den gongen har hovudvekta av Airto sitt arbeid vorte gjort saman med Purim. I tillegg har han også vore medlem av Mickey Hart sitt perkusjonsensemble Planet Drum.
