Ajman

Frå Wikipedia – det frie oppslagsverket
(Omdirigert frå Ajman by)
Ajman
عجمان
by
Land  Dei sameinte arabiske emirata
Emirat Emiratet Ajman
Koordinatar 25°24′N 55°29′E
Folketal 238 000  (2010)
Kart
Ajman
25°23′58″ N 55°28′47″ E
Wikimedia Commons: Ajman

Ajman (arabisk عجمان, Aǧmān) er hovudstaden i emiratet Ajman i Dei sameinte arabiske emirata og ligg langs Persiabukta.

Folketal[endre | endre wikiteksten]

Byen hadde 238 000 innbyggjarar i 2010. Dette er meir enn 90 % av folketalet i heile emiratet. Byområdet glir direkte over i byen Sharjah langs kysten i sørvest, som igjen har vokse saman med Dubai. I lag dannar dei eit samanhengande byområde.

Handel[endre | endre wikiteksten]

I Ajman ligg kontoret til emiren, fleire selskap og marknadar, og kring 50 internasjonale og lokale butikkar. Her ligg òg fleir bankar.

Turisme[endre | endre wikiteksten]

Ajman har kome i gang att etter finanskrisa i 2007-2008. Turistmåla i emiratet, inkludert hotell, shopping og kulturinstitusjonar, er i rask vekst. Av turistmål finn ein Ajman nasjonalmuseum nær Ajman Fort, Det raude fortet og museet i innlandsenklaven Manama.

Mange familiar vitjar den travle og populære cornichen i Ajman på kveldane og i helgane med mange snøggmatbutikkar, kafear og bodar.

Samferdsle[endre | endre wikiteksten]

Den naturlege hamna i Ajman ligg langs ei naturleg vik som går innover i byen.[1] Arab Heavy Industries ligg i Ajman og er ein av dei største skipsprodusentane i verda.[2]

Hovudflyplassen i emiratet ligg i enklaven Manama, kring 60 km aust for byen, og er dermed i ein av dei mest fjerntliggande delane av emiratet. Sharjah internasjonale lufthamn ligg derimiot berre nokre få kilometer unna.

Sjå òg[endre | endre wikiteksten]

Kjelder[endre | endre wikiteksten]

  1. Ajman Free Zone, arkivert frå originalen 18. april 2008, henta 19. september 2016 
  2. World66: Ajman