Aksel Konrad Mikkola

Frå Wikipedia – det frie oppslagsverket
Hopp til navigering Hopp til søk
Aksel Konrad Mikkola
Fødd 17. juni 1891
Død

2. mars 1975

Yrke politikar

Aksel Konrad Mikkola (17. juni 18912. mars 1975) var ein norsk småbrukar, landhandlar og politikar frå Neiden i Sør-Varanger. Han var stortingsrepresentant for Finnmark og Arbeidarpartiet i tida frå 1934 til 1945.

Mikkola var son til ein småbrukar. Etter han i 1913 tok eksamen ved J. C. Claussens handelsskule i Bodø arbeidde han som handelsbetjent i Kirkenes. I 1918 dreiv han ein landhandel ved Neiden kapell og frå 1920 også småbruket Mikkelsnes ved osen av Neidenelva. Dessuten var han ekspeditør for Dampskipsselskapet Finnmark Fylkesrederi.

Mikkola var heradsstyremedlem i Sør-Varanger frå 1922 til 1937. Hausten 1933 vart han den fyrste med finsk innvandrarbakgrunn som vart vald til stortingsmann. På Tinget var han perioden 1934-36 medlem i Skog- og vassdragskomiteen. Etter attval i 1936 var han 1937-45 medlem i Landbrukskomiteen. Under okkupasjonen var han i oktober 1944 ein av dei som rømde til fjells då dei tyske okkupasjonsstyrkane trekte seg tilbake i Finnmark. Både før og etter okkupasjonen var han medlem i skulestyret og formann i jordstyret i Sør-Varanger.

Kjelder[endre | endre wikiteksten]