Dei syriske kystfjella

Frå Wikipedia – det frie oppslagsverket
(Omdirigert frå Al-Ansariyahfjella)
Dei syriske kystfjella
fjellkjede
Kart over Syria som syner fjellkjeda
Land  Syria
Del av Riftdalen
Koordinatar 35°15′N 36°06′E
Kart
Dei syriske kystfjella
35°15′ N 36°6′ E

Dei syriske kystfjella (arabisk سلسلة الجبال الساحلية, Silsilat al-Jibāl as-Sāḥilīyah) er ei fjellkjede nordvest i Syria som går nord-sør, parallelt til kystsletta.[1] Fjella har ei gjennomsnittleg breidde på 32 km og høgda er like over 1200 meter. Den høgaste toppen er Nabi Yunis på 1562 meter over havet, aust for Lattakia.[1] I nord fell høgda ned til 900 meter over havet, og i sør til 600 meter over havet.

I antikken var fjella kjend som Bargylus[2] og under assasinane vart dei kalla Jabal Bahra (arabisk جبل بحراء).[3] Dei vert stundom òg kalla Nusayriyahfjella (arabisk جبال النصيرية, Jibāl an-Nuṣayriyah) eller Alawiyinfjella (arabisk جبال العلويين, Jibāl al-‘Alawīyin) og begge desse namna syner til den etno-religiøse gruppa alawi som tradisjonelt har levd her.

Vestsida av fjella tar imot dei fuktige vindane frå Middelhavet og er derfor meir frodig og tettare folkesett enn austsida. Orontes flyt nordover langs sida av fjellkjeda på austsida i Ghabdalen, ein 64 km lang dal,[4] og så rundt nordkanten av fjellkjeda til Middelhavet. Sør for Masyaf er det ei stor forkasting som går nordaust til sørvest, mellom An-Nusayriyah-fjellet frå Libanonfjella ved kysten og Anti-Libanonfjella i Libanon, kalla Homskløfta.[1]

Mellom 1920 og 1936 danna fjella ein del av austgrensa mellom Alawitstaten i Det franske mandatet for Syria og Libanon.

Sjå òg[endre | endre wikiteksten]

Kjelder[endre | endre wikiteksten]

  1. 1,0 1,1 1,2 Federal Research Division, Library of Congress (2005) «Country Profile: Syria» side 5
  2. Hackett, Horatio B. (editor) (1870) Dr. William Smith's Dictionary of the Bible: comprising its antiquities, biography, geography, and natural history (Volume IV, Regum-Melech to Zuzims) Hurd and Houghton, New York, s. 3142, OCLC 325913985
  3. Hunyadi, Zsolt; Laszlovszky, József, red. (2001). The Crusades and the Military Orders: Expanding the Frontiers of Medieval Latin Christianity. Ceu Medievalia. Budapest: Department of Medieval Studies, Central European University, Central European University Press. s. 27. ISBN 963-9241-42-3. 
  4. Encyclopædia Britannica - Syria