Al Hashimiyya

	Al Hashimiyya
	الهاشمية
	landsby
Land	Jordan
guvernement	Ajloun guvernement
Høgd	500−670 moh.
Koordinatar	32°21′51″N 35°39′35″E / 32.36417°N 35.65972°E
Areal	6,25 km²
Folketal	6 515
Folketettleik	1 042 / km²
	; Al Hashimiyya; 32°21′51″N 35°39′35″E / 32.36416667°N 35.65972222°E
	Wikimedia Commons: Al Hashimiyya

Al Hashimiyya (arabisk الهاشمية, al-Hāshimīyah) er ein landsby i Ajloun guvernement nordvest i Jordan. Landsbyen ligg 7 km nordvest for Ajloun, 22 km sør for Irbid og 108 km nord for Amman. Han ligg nær Ajlounborga og Tell Mar Elias. Hashimiyya er ein av tre landsbyar som er ein del av Ash Shefa kommune (بلدية الشفا) i lag med Halawah (حلاوة) og Al Wahadinah (الوهادنه).

Geografi og klima[endre | endre wikiteksten]

Hashimiyya ligg i fjellområda kring Ajloun. Byen ligg på ein rygg som går austover og ned til Jordandalen. Nord- og austsida av Hashimiyya grensar til små lommer av skog. Klimaet er liknande middelhavsklima. Hashimiyya ligg innafor Den fruktbare halvmånen og har gode tilhøve for jordbruk. Det er vanleg med snø og regn om vinteren frå desember til februar.

Historie[endre | endre wikiteksten]

Regionen kring Hashimiyya har vore busett sidan bronsealderen, som mellom anna dei arkeologiske funna i Pella og Abila i nærleiken er eit bevis på.

Seksdagarskrigen hadde stor innverknad på innbyggjarane i Hashimiyya. Før krigen var folketalet så lågt at den eldste moskeen ikkje vart bygd før i 1949 av Hajj Ahmed Abusini. Dei fleste innbyggjarane i landsbyen budde i vestenden, der Al-Maisor låg heilt aust i landsbyen. Etter krigen flytta mange familiar frå Jordandalen inn i Jordan og folketalet auka kraftig.