Alan Mullery

Alan Mullery
Statsborgarskap	Storbritannia, England
Fødd	23. november 1941 (82 år) Notting Hill
Idrett	fotball
Tok del i	VM i fotball 1970, EM i fotball 1968
Utmerkingar	medlem av Den britiske imperieordenen

Alan Patrick Mullery (fødd 23. november 1941) er ein engelsk tidlegare fotballspelar frå London. Han var med om å vinne FA-cupen 1967 og UEFA-cupen 1972 for Tottenham Hotspur. Mullery var defensiv midtbanespelar, kvikk og duellsterk.

Karriere

Klubbspel

Mullery spelte på Fulham FC frå 1958. I mars 1964 vart han overført til Tottenham. Våren 1967 vann han og klubben FA-cupfinalen mot Chelsea FC. Frå 1968 var Mullery kaptein for Tottenham-laget. I den eigenskap kunne han i februar 1971 heve ligacup-pokalen etter siger 2–0 over Aston Villa. Året etter skåra han det siste Tottenham-målet då London-klubben vann med 3 mot 2 over Wolverhampton Wanderers i dobbelt-oppgjeret om trofeet i UEFA-cupen.

Deretter vende Mullery tilbake til Fulham FC. Perioden 1972-76 var han med å leie andredivisjons-laget til FA-cupfinale i 1975, ein kamp som enda tap 0–2 mot byrival West Ham United.

Landslagsspel

I tida desember 1964 til oktober 1971 spelte Mullery 35 landskampar for England. Han vart utvist i semifinalen mot Jugoslavia i EM i fotball 1968, den fyrste engelske spelaren utvist frå ein landskamp. Mullery deltok i Fotball-VM 1970, der han skåra sitt einaste landslagsmål då England i kvartfinalen rauk ut or meisterskapen etter tap 2–3 mot Tyskland.

Merittar

• Vinnar av UEFA-cupen: 1972 med Tottenham
• Vinnar av FA-cupen 1967 med Tottenham
• Vinnar av ligacupen: 1971 med Tottenham

Kjelder

• eu-football

---

• Denne artikkelen bygger på «Alan Mullery» frå Wikipedia på engelsk, den 10. november 2021.