Aleksandrov

Aleksandrov
Александров
by
Våpenskjold
Land	Russland
Føderasjonssubjekt	Vladimir oblast
Høgd	190 m
Areal	26 km²
Folketal	54 179 (1. januar 2025)
Grunnlagd	1300-talet
•  Bystatus	1778
Postnummer	60165x
Retningsnummer	(+7)49244
Aleksandrov 56.398054°N 38.736961°E / 56.398054; 38.736961
Wikimedia Commons: Alexandrov

Aleksandrov (russisk Алекса́ндров) er ein by i Vladimir oblast i Russland med om lag 60 000 innbyggjarar. Han ligg rundt rundt 110 km nordvest for Vladimir og 100 km nordaust for Moskva.

Byen er ein del av byane i turistruta Den gylne sirkelen i Russland med historiske attraksjonar.

Historie

Busetnaden vart grunnlagt på 1300-talet og fekk bystatus i 1778.

På byrjinga av 1500-talet bygde Fyrst Vasilij III eit lite jaktslott om til fyrsteresidens. Aleksandrov var den fungerande hovudstaden i Russland i tre månader (desember 1564 til februar 1565) under Tsar Ivan den grufulle, til han gjekk med på å returnere hoffet sitt og relikviane frå Moskva som han hadde teke med seg. Ivan gjekk med på å returnere etter at kyrkja gav han løyve til å grunnlegge opritsjnina. Aleksandrov har òg seinare vore mellombels opphaldsstad for tsarane.

Palasskomplekset i Aleksandrovskaja Sloboda, med talrike kyrkjer som Treeiningskyrkja, Himmelfartskyrkja og Krosskyrkja, er i dag attraksjonar. Det inneheld òg talrike gjenstandar knytt til Ivan den grufulle, mellom anna elfenbeinstrona hans. Anlegget er i dag eit nonnekloster.

Kjelder

• Denne artikkelen bygger på «Aleksandrov (by)» frå Wikipedia på bokmål, den 17. januar 2009.

Bakgrunnsstoff

Commons har multimedium som gjeld: Aleksandrov

• Offisiell nettstad